Kürdəmirdə ağır yol qəzası olub, ölən var

Kürdəmir rayonunda ölümlə nəticələnən yol nəqliyyat hadisəsi baş verib.

1news.az-ın "Report"a istinadən məlumatına görə, hadisə Zərdab-Kürdəmir yolunun rayonun Çöl-Ərəb kəndindən keçən hissəsində qeydə alınıb.

Belə ki, "Mercedes" markalı avtomobillə motosikletin toqquşması nəticəsində motosikletin sürücüsü ölüb. Onun meyiti aidiyyəti üzrə təhvil verilib.

Faktla bağlı araşdırma aparılır.