Ağır vəziyyətdə KTM-in reanimasiyasına qəbul edilən xəstə həyata qaytarılıb - FOTO
Ağır vəziyyətdə KTM-in Reanimasiya şöbəsinə qəbul edilən xəstə həyata qaytarılıb.
1news.az xəbər verir ki, bu barədə Kliniki Tibbi Mərkəz məlumat yayıb.
Bildirilib ki, 30.11.2024-cü il tarixində kəskin böyrək çatışmazlığı diaqnozu ilə Kliniki Tibbi Mərkəzə gətirilən 68 yaşlı xəstə Reanimasiya şöbəsinə qəbul edilib.
"Xəstə şöbəyə daxil olarkən huşsuz, vəziyyəti hədsiz ağır olub.
Kreatini 32 (norma ~ 1 mg/dL), kalisi 9 (norma ~ 4.5 mmol/L), sidik ifrazı tamamilə kəsilmiş vəziyyətdə olan xəstəyə ilkin olaraq dializ təyin edilib, zəruri tədbirlər görülüb. 3 hemodializ seansından sonra xəstənin kreatini və kalisi normaya yaxınlaşıb. Huşu aydınlaşıb, hemodinamik göstəriciləri stabillləşib.
Artıq Reanimasiya şöbəsindən Nefrologiya şöbəsinə köçürülən xəstənin müalicələri davam etdirilir",- deyə xəstəxanadan əlavə edilib.
