Oğuzda piyadanı vurub hadisə yerindən qaçan sürücü saxlanılıb - YENİLƏNİB
Oğuzun Kərimli kəndində piyadanın ölümü ilə nəticələnən ağır yol qəzası baş verib.
1news.az-ın AZƏRTAC-a istinadən məlumatına görə, Daxili İşlər Nazirliyi Mətbuat Xidmətinin Şəki regional qrupundan bildirilib ki, hadisə səhər saatlarında qeydə alınıb. Belə ki, Tural Abdullayev idarə etdiyi “VAZ-21012” markalı avtomobili ilə Kərimli kəndi ərazisində 48 yaşlı Qalib Hüseynovu vurub. Ağır xəsarət alan piyada dərhal Oğuz Rayon Mərkəzi Xəstəxanasına çatdırılıb. Həkimlərin səyinə baxmayaraq onun həyatını xilas etmək mümkün olmayıb.
Rayon polis şöbəsinin əməkdaşlarının həyata keçirdiyi tədbirlərlə piyadanı vuraraq hadisə yerindən yayınmaqda şübhəli bilinən Tural Abdullayev saxlanılıb.
Baş verən hadisə ilə bağlı cinayət işi başlanılıb.
10:07
Oğuz rayonunda avtomobil piyadanı vuraraq öldürüb.
1news.az-ın "Report"a istinadən məlumatına görə, hadisə gecə saatlarında rayonun Kərimli kənd ərazisində baş verib.
Belə ki, rayonun Xalxal kənd sakini 1988-ci il təvəllüdlü Tural Ayaz oğlu Abdullayev idarə etdiyi avtomobillə Şəki rayonu Qayabaşı kənd sakini 1976-cı il təvəllüdlü Qalib Bəhman oğlu Hüseynovu vurub.
Qəza nəticəsində 49 yaşlı Q.Hüseynov həyatını itirib.
Faktla bağlı araşdırma aparılır.
