Təbiət ünsürlərinin gücü və Yerin təkindəki xəzinələr “Lalique”in “TERRAMINERAL” kolleksiyasında - FOTO

Təbiət Lalique şirkətinin daimi ilham mənbəyi olaraq qalır.

Yeni TERRAMINERAL kolleksiyasında brendin dizaynerləri təbiət ünsürlərinin gücünü öz interpretasiyalarında nümayiş etdiriblər: vulkanın kraterindən maqmanın püskürməsi və lava soyuduqdan sonra relyefin geri dönüşü mümkün olmayan dəyişikliyi. Bu proses büllur sənətinin yaranmasını xatırladır: közərmiş şüşə kütləsi şüşəüfürənin təsəvvür etdiyi formaya düşərək soyuyur – bu, təbiətin incəsənətə çevrildiyi andır.

TERRAMINERAL kolleksiyası üzərində işləyərkən Lalique ustaları 1888-ci ildə manofakturanın yaradılmasından bəri fasiləsiz inkişaf etdirilən mürəkkəb sənətkarlıq texnikalarından istifadə ediblər. Onlar büllurda təbiət qüvvələrinin yerin relyefini dəyişmə sürətini və zamanın onun formalaşmasına təsirini əks etdirməyi bacarıblar. Dizaynerləri yerin dərinliklərində gizlənən nəhəng güc və təbiət qüvvələrinin inanılmaz asanlıqla planetin görünüşünü dəyişmək, qayaların fakturasını yenidən formalaşdırmaq və mineral kristallar kimi qiymətli təbii xəzinələr yaratmaq qabiliyyəti ilhamlandırıb.

Vulkanik aktivliyin dinamikasını büllurda əks etdirmək və yer qabığındakı çatları və qırılmaları imitasiya etmək üçün Lalique materialın mat və şəffaf teksturaları arasında kontrastdan istifadə edir və həcmli relyef formaları ilə işləyir. Kolleksiyanın Caldera və Magnitude adları da tektonik proseslərə istinad edir: kaldera vulkanın zirvəsindəki dairəvi çökəklikdir, maqnituda isə zəlzələ zamanı seysmik dalğalar şəklində yayılmış enerjinin ölçüsünü ifadə edir.

Şəffaf büllurdan əlavə, dizaynerlər yeni kolleksiyanın vaza, dekorativ kasa və qrafin-dekanterləri üçün iki rəng seçimindən istifadə ediblər: Canyon Crystal çökmə süxurların oxra çalarını əks etdirir, Persepolis Blue isə nadir və qiymətli fars firuzəsinin özünəməxsus solğun mavi tonunu xatırladır – bu da yerin dərinliklərindən gələn digər bir təbii hədiyyədir.

Büllur məmulatların formaları və materialın şəffaflığı ilə sıxlığının kontrastı sayəsində yaranan optik effektlər hərəkət və transformasiya simvolikası yaradır – yerin təkindən püskürən maqmanın bərk qayaları sıxması və parçalanması. Magnitude vazalarının forması tektonik plitələrin hərəkətini xatırladır, burada hamar səth relyefi kəskin həndəsi qırılmalarla “bölünür”. Caldera kasa və qrafinlərinin dizaynı isə vulkan zirvələrindəki nəhəng kalderalardan ilhamlanaraq yaradılıb.

Altı zinət əşyasından – üzüklər, sırğalar və kulonlardan ibarət TERRAMINERAL zərgərlik xətti büllurda təbii mineral druzalarının formasını təcəssüm etdirir. Metal çərçivəyə yerləşdirilmiş büllur detallar stilizə olunmuş kristalları xatırladır, təbii mineralların daxilində rast gəlinən daxili inkluziyaları imitasiya etmək üçün emal və rəngli şüşədən istifadə olunub. Druzanın həcmini və çoxqatlılığını vurğulamaq üçün Lalique dizaynerləri yenidən mat və cilalanmış səthlərin kontrastından istifadə ediblər.

TERRAMINERAL kolleksiyası artıq Ambiance butikində, 28 May küçəsində təqdim olunur. Azərbaycanda Lalique brendinin eksklüziv nümayəndəsi onun rəsmi distribütoru – Italdizain şirkətidir.

Ünvan: Azərbaycan, Bakı, 28 May küçəsi, 5A

Əlaqə nömrəsi: +994 (12) 498-62-94

Lalique brendi və onun kolleksiyaları haqqında daha ətraflı məlumat üçün: https://italdizain.az/ru/brands/lalique

"Italdizain" şirkəti haqqında:

"Italdizain" şirkəti 1996-cı ildə təsis edilib. İlkin olaraq, Azərbaycanda mətbəx üçün keyfiyyətli İtaliya avadanlıqlarının distribütorluğunun həyata keçirilməsi üzrə ixtisaslaşıb. Daha sonra şirkət yeni istiqamətlər yaradaraq və onları aktiv şəkildə inkişaf etdirərək öz biznesini əhəmiyyətli dərəcədə genişləndirib. Bu gün "Italdizain" onlarla butiki özündə birləşdirən, zərgərlik məmulatları, saatlar, qab-qacaq, ev və interyer əşyalarının satışı üzrə ixtisaslaşmış böyük holdinqdir.

"Lalique" brendi haqqında:

"Lalique" bədii şüşə və büllur istehsalı üzrə ixtisaslaşmış məşhur fransız brendidir. Əsası 1888-ci ildə Rene Lalik tərəfindən qoyulmuş brend öz təkrarsız tərzi və yüksək ustalığı sayəsində dünya miqyasında tanınmışdır. "Lalique" şüşə və büllurdan hazırlanmış bəzək əşyaları, parfüm şüşələri, dekorativ əşyalar və heykəlləri sayəsində şöhrət qazanmışdır.

"Lalique" brendinin hər bir məhsulu Fransada, Elzasda yerləşən emalatxanada şüşə və büllurun işlənməsi üzrə nadir bacarıqlara malik ustalar tərəfindən əl ilə hazırlanır. Brend ənənəvi sənətkarlıq bacarıqlarını innovativ metodlarla birləşdirir. Bu da müstəsna təfərrüat və bədii dəyərə malik məhsulların yaradılmasına imkan verir.

"Lalique" müasir aparıcı rəssam və dizaynerlərlə əməkdaşlıq edərək daha təkmilləşmiş irs qoymağa davam edir. Bu, klassik və müasir elementlərin ahəngini yaradan kolleksiyanın ərsəyə gətirilməsinə şərait yaradır. "Lalique" məhsulları bütün dünyada prestijli butik və kolleksiyalarda təqdim olunur ki, bu da brendin fransız dəbdəbəsi və eleqantlığının simvolu olmaqla bağlı statusunu təsdiqləyir.

Reklam hüququnda