2600 manat müavinəti necə əldə etmək olar? - Deputat izah etdi

Məlum olduğu kimi, Azərbaycan Prezidentinin imzaladığı Fərmana əsasən, valideynlərini itirmiş və valideyn himayəsindən məhrum olmuş uşaqlara, habelə onların arasından olan şəxslərə ümumi təhsil, peşə təhsili, orta ixtisas təhsili və ali təhsil müəssisələrini bitirdikləri zaman 2600 manat birdəfəlik müavinət ödəniləcək.

Bəs bu müavinəti necə əldə etmək olar?

1news.az xəbər verir ki, prosesi izah edən deputat Vüqar Bayramov deyib ki, vəsait hər bir təhsil müəssisənin büdcəsinə daxil edilir.

"Bu o deməkdir ki, həmin vətəndaşlarımız təhsillərini başa vuran zaman həmin müəssisəyə müraciət etməklə bu müavinəti ala bilərlər.

Məsələn, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər peşə təhsili müəssisəsində və ya universitetdə təhsil alırsa, təhsilini başa vuran zaman yerində müraciət edərək həmin pulu ala bilərlər. Bu proses qısa müddət tələb edir və bir neçə gün ərzində müavinətin əldə edilməsi mümkündür”.