Fərhad Bədəlbəyli: “Əminəm ki, “Qarabağ Gecəsi” xeyriyyə konserti çox yüksək səviyyədə keçəcək” - VİDEO
İyulun 8-də Müslüm Maqomayev adına Azərbaycan Dövlət Akademik Filarmoniyasında çox maraqlı bir konsert olacaq.
1news.az xəbər verir ki, bunu Xalq artisti, Bakı Musiqi Akademiyasının rektoru, Qarabağ Dirçəliş Fondunun Müşahidə Şurasının üzvü Fərhad Bədəlbəyli “Qarabağ Gecəsi” xeyriyyə konserti ilə bağlı fikirlərini bölüşərkən deyib. Onun sözlərinə görə, Qarabağ Dirçəliş Fondu tərəfindən təşkil olunacaq konsertdə dünya şöhrətli ifaçılar çıxış edəcəklər.
Konsertdə yerli bəstəkarlarla yanaşı, italyan, fransız və alman bəstəkarların əsərlərinin səsləndiriləcəyini deyən Xalq artisti konsertin yüksək səviyyədə keçəcəyinə əminliyini ifadə edib.
Fərhad Bədəlbəylinin konsertlə bağlı fikirləri ilə aşağıdakı videoda tanış ola bilərsiniz.
