Ucarda maşın aşıb, xəsarət alanlar var - FOTO

Ucarda yol-nəqliyyat hadisəsi baş verib.

1news.az APA-ya istinadən xəbər verir ki, hadisə Bakı-Qazax magistralında, rayonun Qarabörk kəndi ərazisində baş verib.

"Nissan" markalı minik maşını idarəetmədən çıxaraq aşıb. Qəza nəticəsində Mingəçevir şəhər sakinləri - 1979 - cu il təvəllüdlü Gülnarə Qaçayeva və 1961- ci il təvəllüdlü Gümanə Namazova xəsarət alıb .

Onlar Ucar Rayon Mərkəzi Xəstəxanasına yerləşdirilib.

Faktla bağlı araşdırma aparılır.