1news.az

Mübariz Əhmədoğlu: Ordusu Ermənistan dövləti üçün təhlükəyə çevrilir

16 Avqust saat 09:40 ~ 2 dəqiqəlik oxu 64
Mübariz Əhmədoğlu: Ordusu Ermənistan dövləti üçün təhlükəyə çevrilir

Son dövrlərdə Ermənistanda bir neçə jurnalist xüsusi olaraq Azərbaycan ordusunu, onun rəhbərliyini hədəf götürüblər. İndi artıq Ermənistan ordusunda baş verənlərə baxdıqda onların məqsədi aydın olur.

Ermənistan ordusunun əsgəri, Ermənistan vətəndaşı Araik Kazaryan Azərbaycanın işğal olunmuş Füzuli rayonu istiqamətində ağ bayraq qaldıraraq Azərbaycan tərəfə keçdi. Bəlli oldu ki, üzərində zorakılıq əlamətləri var. A. Kazaryan məzuniyyətdən qayıtdıqdan sonra qaçıb. Evdən nə nəyi isə vəd verib, gətirmədiyi üçün hərbi hissədə komandirlərinin gözünün qabağında hərbçi o vəziyyətə salınıb. Xüsusilə o məqam da nəzərə alınmalıdır ki, ailənin digər üzvü də Ermənistanda müqaviləli hərbçidir. Kazaryanın belə addım atması uzun müddətli təzyiqlərin nəticəsi ola bilərdi. Epizodik və yaxud təsadüfi atılmış addım deyil. Ermənistan ordusunda qüsur təkcə bu deyil.

Rusiyada keçirilən yarışlarda da Ermənistan ordusu əvvəlki illərlə müqayisədə xeyli aşağı nəticələr əldə etdi. Ermənistan tankçıları biabırçı vəziyyətdə uduzdular. Ermənistan ordusu və Ermənistan rəhbərliyinin orduya münasibəti artıq cəmiyyətin hərbçilərə münasibətini dəyişib. 2016-cı il aprel döyüşlərində ölmüş ermənilərin məzarları Yerevanın mərkəzində təhqir olunub. Bu halın bir dəfə deyil, bir neçə dəfə olması cəmiyyətin Qarabağ məsələsindən bezdiyinin göstəricisidir.

N.Paşinyanın orduda kosmetik yeniliklər -taxta oturacaqları stulla əvəzləmələri vəziyyəti ciddi surətdə dəyişməyəcəkdir. Ordu Ermənistan dövlətçiliyi üçün idarə olunmaz xaotik qüvvəyə çevrilir. Bu Ermənistan dövləti üçün böyük təhlükədir. Bunun da bünövrəsi “məxməri inqilab” dövründə qoyuldu. Çünki hərbi hissələrdən bir sıra əsgər və zabitlər qaçaraq mitinqçilərə qoşulmuşdu.

Mübariz Əhmədoğlu 

Siyasi İnnovasiya və Texnologiyalar Mərkəzinin direktoru, politoloq 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net