Azərbaycan Prezidentinin İrana səfəri yerli mətbuatda geniş işıqlandırılıb – FOTO

Azərbaycan Respublikasının Prezidenti İlham Əliyevin İran İslam Respublikasına rəsmi səfəri yerli mətbuatda geniş işıqlandırılıb.

1news.az-ın AZƏRTAC-a istinadla verdiyi xəbərə görə,İranın televiziya kanalları, qəzetləri, internet saytları səfər haqqında materiallar yayıblar.

İRNA, Mehr, Fars informasiya agentlikləri, İRİB, İRİNN, Press TV televiziya kanalları, “Keyhan”, “Farhteqan”, “Tehran Times”, “İran Daily” qəzetləri və digər kütləvi informasiya vasitələri Azərbaycan Prezidentinin səfərinə geniş yer ayırıblar.

Materiallarda qeyd olunub ki, İran-Azərbaycan münasibətləri inkişaf edir. Dövlət başçıları qarşılıqlı əməkdaşlıq əlaqələrini strateji müttəfiqlik səviyyəsinə yüksəltmək istəyirlər və buna nail olurlar.

Diqqətə çatdırılıb ki, Azərbaycan Prezidentinin İranın həm Prezidenti, həm də Ali Rəhbəri ilə görüşlərində iki ölkənin əməkdaşlıq əlaqələrinin genişləndirilməsi ilə yanaşı, qlobal siyasi məsələlər də müzakirə edilib.

1news.az