Serj Sarkisyan: “Ankara aşkar olaraq Bakını dəstəkləyir və böyük müharibəyə təhrik edir!”
Ermənistan prezidenti Serj Sarkisyan ATƏT-ə üzv ölkələrin səfirləri ilə görüş zamanı Türkiyənin ünvanına təxribatçı bəyanatlarla çıxış edib.
“ATƏT-ə üzv ölkərdən yalnız Türkiyə regionda təxribatçı mövqelərlə çıxış edərək burada böyük müharibələrə təhrik edir və Azərbaycan hökumətinin siyasətini aşkar olaraq dəstəkləyir. Azərbaycan əldə etdiyi qələbəsilə lovğalanır, Türkiyə isə Bakını təbrik edir”, - Sarkisyan şikayət edib.
“Beynəlxalq ictimaiyyət Dağlıq Qarabağda güc tətbiq olunmasını tənqid edənə qədər, lap sözdə də olsa, yeganə olaraq Türkiyə (Azərbaycana) danılmaz dəstək göstərir. Məlum hadisələrdən əvvəl və sonra Ankaranın bəyanatları əsasən antiermənistana yönələrək yeni regionalgərginlyin formalaşmasına gətərib çıxara bilər. Artıq Türkiyənin Yaxın Şərqdə bu sahədə təcrübəsi var.
Türkiyəni həmsədr qismində görmək istəyənlər bu gün anlayırlar ki, “qanlı təhlükəsizliklə” hərbi silahlanmanı yanaşma olaraq götürən bu ölkəni Dağlıq Qarabağ münaqişəsinin nizamlanması prosesindən uzaq tutmaq lazımdır, - bu sözləri tamamilə özündən çıxaraq söyləyən Sarkisyan ATƏT-ə üzv ölkələrin paytaxtlarının bu şikayəti eşidəcəklərinə ümid etdiyini bildirib.
Xatırladaq ki, elə həmin görüşdə Sarkisyan Azərbaycan Ordusunun hərbi əməliyyatları genişləndirəcəyi təqdirdə İrəvan separatçı Dağlıq Qarabağ rejiminin müstəqilliyini tanıpyacağı ilə təhdid edib.
Daha əvvəl Sarkisyan bəyan etmişdi ki, Sarkisyan bəyan edib ki, İrəvan hərbi əməliyyatları dayandırmağa hazırdır. Rəsmi Bakı buna cavab olaraq bildirib ki, bu məsələ ilə əlaqədar hələ aprelin 3-də çıxış etsə də, lakin Ermənistan bu qərara məhəl qoymadı və Azərbaycan Silahlı Qüvvələrinin mövqelərinə, həmçinin ön cəbhədə yaşayan dinc sakinləri də atəşə tutub.
“Azərbaycan Respublikası atəşkəsə hazırdır. Lakin, Ermənistan qoşunları BMT Təhlükəsizlik Şurasının müvafiq qətnamələrinə uyğun olaraq, bütün işğal edilmiş Azərbaycan ərazilərindən çıxarılmalıvə Azərbaycan Respublikasının beynəlxalq səviyyədə tanınmış sərhədləri daxilində ərazi bütövlüyü və suverenliyi təmin olunmalıdır.
Azərbaycan dəfələrlə bəyan edib ki, atəşkəsin pozulması və gərginliyin yaranmasının əsas səbəbi Ermənistan qoşunlarının işğal edilmiş Azərbaycan ərazilərində mövcudluğudur”- deyə, Azərbaycan Xarici İşlər Nazirliyinin mətbuat xidmətinin rəhbəri H.Hacıyev Ermənistanın təklifinə cavab olaraq qeyd edib.
1news.az
