Rasim Musabəyov: “Azərbaycansız regional geosiyasət mümkün deyil”

Aprelin 5-də Tehranda Türkiyə, Azərbaycan və İranın xarici işlər nazirlərinin IV üçtərəfli görüşü keçirilib.

Bunun ardınca Bakıda aprelin 7-də bu formatda Rusiya, İran və Azərbaycan XİN rəhbərlərinin üçtərəfli görüşü keçirilib. İştirakçılar terrorizmlə mübarizədən tutmuş Xəzər məsələsini, həmçinin energetika və kommunikasiya sahəsində əməkdaşlıqla bağlı bir sıra məsələləri geniş müzakirə ediblər. Həmçinin görüş zamanı irimiqyaslı “Şimal-Cənub” dəmiryolu layihəsinin həyata keçirilməsi də müzakirə olunub.

Göründüyü kimi, regionda üçtərəli görüş təcrübəsi müntəzəm xarakter alıb.

Daha əvvəl Tiflisdə Türkiyə, Azərbaycan və Gürcüstanın xarici işlər nazirlərinin növbəti görüşü keçirilmişdi. Ötən il isə Türkiyə, Azərbaycan və Türkmənistanın iştirakı ilə ilk görüş təşkil olunmuşdu.

Yuxarıda sadalanalardan aydındır ki,Azərbaycan çoxtərəfli formatda təhlükəsizlik və əməkdaşlıqla bağlı məsələləri üzrə regional dialoqun vacib iştirakçısıdır. Bununla yanaşı, yalnız XİN rəhbərləri deyil, həmçinin zaman-zaman prezidentlər, müdafiə nazirləri, FHN, Dövlət Sərhəd Xidmətinin rəhbərləri və s. də görüşür. Bəyan olunub ki, XİN rəhbərlərinin görüşünün ardınca Bakıda prezidentlərin: İlham Əliyev, Vladimir Putin və Həsən Ruhaninin üçtərəfli görüşünə də hazırlıqlara başlanılıb. Bu, ölkəmizin artan xarici siyasət çəkisinin və regionda istənilən geosiyasi üçbucaqların əsas tamamlayıcı ölkəsiqismində təsdiq edilməsi deyilmi?

Ermənistanın isə bütün bu bölgülərdə heç yaxından da görünmür. Beləliklə, bu ölkənin analitik və təxribatçıları, eləcə də Rusiya KİV-indəki yaltaqları Ermənistanınxəyali “güclü beynəlxalq dəstək” haqda və Azərbaycanın mövcud olmayan “diplomatik təcridini” yaymaqdansa, həqiqəti olduğu kimi görmələri yaxşı olardı.

Eyni zamanda İrəvanda xarici işlər naziri Edvarda Nalbandyanın istefaya göndərmək çağırşları gündən-günə artmaqdadır, bütün tənqidçilər təsdiq edirlər ki, bununla belə o,üzündəki özündən razılığını saxlamağı bacarır.

1news.az