Washington Times: Qarabağ münaqişəsinin uzanması Rusiyanın regionda təsirinin artmasına gətirib çıxaracaq
ABŞ Konqresi anlamalıdır ki, Azərbaycan və Ermənisran arasında atəşkəs daimi deyil, artıq regionda ədalətin bərpası və iki xalqın barışığı üçün tədbirlər görülməlidir.
Bu haqda İsrailin beynəlxalq kommunikasiyalar üzrə tədqiqat mərkəzinin direktoru Mayan Jaffe Xoffman (Maayan Jaffe-Hoffman) Washington Times saytındakı məqalədə yazıb.
Dərhal hərəkətə keçməyin vacibliyi bir də onunla əlaqədardır ki, Azərbaycanın 1 milyona yaxın qaçqını var. Onlar erməni işğalının qurbanıdır. Bu torpaqların Azərbaycana məxsus olduğu BMT-nin Təhlükəsizlik Şurasının 822, 853, 874 və 884 saylı qətnamələri ilə təsdiq olunub.
Müəllif hesab edir ki, yubanmaq olmaz, çünki “atəşkəs rejimi vulkanın üzərində dayanıb onun nə zaman püskürməyə başlayacağını gözləməyə bənzəyir. Bundan əlavə münaqişə Avropanın enerji təhlükəsizliyi üçün də risk yaradır. Azərbaycan neftinin, gəcəkdə isə qazın Qərbə nəqli ilə bağlı marşrutlar bu zaman risk altında qalır.
Bununla yanaşı məqalə müəllifi vurğulayır ki, Dağlıq-qarabağ münaqişəsinin uzanması Rusiyanın regionda təsirinin artmasına gətirib çıxarır.
“Məhz Moskva atışmanın dayandırılmasına nail oldu ( 5 aprel tarixində) bu isə Rusiyanın diplomatik imicini yüksəltdi”,-o, yazıb.
Müəllifin fikrincə bu hal Bakı və Vaşinqton arasındakı münasibətlərdə problem yaradır.
“Moskva Ermənistanın tərəfindədir. O, tamamilə İrəvana hakimdir”, -deyə, daha əvvəl Jerusalem Post qqəzetində redaktor və Baltimore Jewish Times –da baş redaktor işləyən Jaffe-Hoffman yazır.
“Əgər Moskva regiona daha çox müdaxilə etsə Türkiyə kənarda qalmayacaq, cünki qardaş Azərbaycan xalqını dəstəkləyir. Hadisələrin belə inkişafı regional müharibə ilə nəticələnə bilər. Region daha bir zorakılıq partlayışına tab gətirə bilməz”,- Yaffe Hofman yazıb.
Məhz buna görə də müəllif Birləşmiş Ştatları aktivlik göstərməyə çağırır:O, Ermənistanı işğal olunmuş torpaqlardan qoşunlarını çıxarmağa məcbur etməli, azərbaycanlı qaçqınların regionqa qayıtmasına, Uzunmüddətli sülhə nail olmaq üçün Minsk prosesini aktivləşdirməlidir.
1news.az
