Xorvatiyanın sabiq dövlət başçısı Prezident İlham Əliyevə məktub göndərib

Xorvatiya Respublikasının Prezidenti (2000-2010), Xorvatiya-Azərbaycan Dostluq Cəmiyyətinin sədri Stepan Mesiç Azərbaycan Respublikasının Prezidenti İlham Əliyevə məktub göndərib.

1news.az-ın dövlət başçısının rəsmi saytına istinadla verdiyi xəbərə görə, məktibda  deyilir:

“Hörmətli cənab Prezident.

İcazə verin, Azərbaycan Respublikasının Dağlıq Qarabağ bölgəsində hərbi vəziyyətin kəskinləşməsi ilə bağlı dərin narahatlığımı ifadə edim.

Münaqişə zonasında mülki şəxslərin və hərbi qulluqçuların həlak olması ilə bağlı Sizə dərin hüznlə başsağlığı verirəm.

Atəşkəs rejiminin tezliklə bərpa edilməsinə, həlli uzanmış bu münaqişənin beynəlxalq hüququn norma və prinsipləri əsasında, xüsusilə ərazi bütövlüyü, sərhədlərin toxunulmazlığı və BMT Təhlükəsizlik Şurasının müvafiq qətnamələrinin qeyd-şərtsiz yerinə yetirilməsinə uyğun olaraq birdəfəlik həllinə ümid edirəm”.

1news.az