Bakı sakinləri yeni avtobus marşrutunun açılmasını istəyir – XƏRİTƏ
Bakının Xətayi rayonunda “Nargilə” kafesi yaxınlığında, Cavanşir küçəsi və Zığ şossesində yaşayan sakinlər BakuBus ASC və AR Nəqliyyat Nazirliyinə müraciət ünvanlayıb.
1news.az xəbər verir ki, şəhər sakinlərinin nümayəndəsi kimi redaksiyaya müraciət edən Emil Murtazəliyev daha əvvəl bu ərazidən keçən 178, 95 nömrəli avtobus marşrutlarının keçdiyini indi isə həmin marşrut ləğv olunduğunu qeyd edib.
“Hal –hazırda Cavanşir küçəsi, “Nargilə” kafesi və Zığ şossesindən Nobel prospekti boyunca “28 May” metrosuna gedən avtobus yoxdur. Bu ərazinin sakinləri ən azı 3 avtobus dəyişib şəhərin mərkəzinə gəlməyə məcbur olurlar. Bu qeyri-təbii və narahatdır”,- E. Murtuzəliyev bildirib.
Sakinlər Bakının bu hissəsindən paytaxtın mərkəzinə birbaşa avtobus marşrutunun açılmasını xahiş edir. Bunun üçün onlar müraciət hazırlayıb müvafiq orqanlara göndərib və məsələnin müsbət həll olnacağına ümid edirlər.
1news.az
