Uber və Ümid Yeri Fondu Bakıda uşaqlara yardım aksiyası keçirəcək
14 may tarixində Uber Ümid Yeri Fondu ilə birgə Bakıda xeyriyyə aksiyası keçirəcək.
Servisin bütün istifadəçiləri avtomobili çağırıb lazım olmayan yaz və yay geyim əşyalarını verə bilər. Yığılan əşyalar Ümid Yeri Fondunun himayəsində olan, uşaq evlərində tərbiyə alan uşaqlara çatdırılacaq. Aksiyada iştirak tamamilə pulsuzdur.
İştirak etmək üçün sadəcə olaraq smatrfonda Uber yükləməsindən istifadə edərək 14 may saat 12.00-dan 17.00-a kimi menyusundan “Xeyriyyə” bölməsini seçmək lazımdır.
Təqdim edilən əşyalar və paltarlar təmiz və çırıqsız olmalıdır.
Qeyd edək ki, UberX sifariş edərək normal qaydada bir yerdən başqa yerə getmək üçün sürücü sifariş etmək mümkün olacaq. Lakin, Uber Xeyriyyə seçsəniz, sürücü ilə maşına əyləşərək səyahət etməyə icazə verilməyəcək.
Ötən ilin may ayında buna bənzər aksiya Moskva və Peterburq şəhərlərində keçirilib. Aksiya zamanı əldə olunan 3 ton əşya və paltar yardıma ehtiyacı olan ailələlər paylanıb.
