Azərbaycanın Almaniyadakı Səfirliyində referenduma hazırlıq işləri başa çatdırılıb
“Azərbaycan Respublikasının Konstitusiyasında dəyişikliklər edilməsi haqqında” Referendum Aktının layihəsi ilə bağlı cari ilin 26 sentyabr tarixində keçiriləcək ümumxalq səsverməsi ilə əlaqədar Azərbaycan Respublikasının Almaniya Federativ Respublikasındakı Səfirliyində səsvermə keçiriləcək.
1news.az-a Azərbaycanın AFR-dəki səfirliyindən verilən xəbərə görə, Azərbaycan Respublikası Seçki Məcəlləsinə əsasən səsvermə günü xarici dövlətlərdə olan seçicilərin səs verməsi üçün Azərbaycan Respublikasının Almaniya Federativ Respublikasındakı Səfirliyində Seçki məntəqəsi yaradılmışdır. Məntəqədə vətəndaşlarımızın səsvermə hüquqlarının həyata keçirilməsi üçün tələb olunan tədbirlər başa çatdırılmış və zəruri hazırlıq işləri görülüb.
Almaniyada yaşayan vətəndaşlarımızın səsvermə ilə bağlı məlumatlandırılması üçün səfirlik tərəfindən poçt vasitəsilə bildirişlər göndərilib, vətəndaşlarımıza e-mail və telefonla ətraflı izahlar verilib. Ölkədə yaşayan vətəndaşlarımızın səsvermədə aktiv iştirakı üçün Almaniyanın müxtəlif bölgələrində fəaliyyət göstərən diaspor təşkilatlarımız da bu işlərə cəlb edilib.
1news.az
