Mübariz Əhmədoğlu: Ermənilər Qriboyedovun öldürülməsində, SSRİ-nin dağılmasında iştirak edərkən, Roqozin rəsmi şəxs deyildi
Rusiya Ermənistanla münasibətlərində sanki tarixi sıfırlayıb, hər şeyi yenidən başlayıb.
1news.az-ın məlumatına görə, bunu Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.
“Rusiya Ermənistanla münasibətlərində sanki tarixi sıfırlayıb, tarixdə baş verənləri unudub, hər şeyi yenidən başlayıb. Bu, erməninin rus xalqı və dövlətinə qarşı xəyanətkarlığının yeni mərhələsinin başlanğıcıdır. Çünki hər bir xəyanət mərhələsindən əvvəl rusların ermənilərə inamı pik səviyyəyə çatıb. Ermənilər SSRİ-nin dağılmasında iştiraklarını, rusları qovan ilk sovet respublikası olduqlarını, sovet ordusunun əleyhinə mitinqləri başlayan ilk müttəfiq respublika olduqlarını unutdurublar. Moskvada metronu partlatmalarını və sovet pulunu saxtalaşdırmağı unutdura bildikləri üçün SSRİ-nin dağılması dövründə belə aktivlik nümayiş etdirə bildilər. Amma 70-ci illərin SSRİ-də gördüyü işlərin bünövrəsi A.S.Qriboyedovun ölümündə iştirakdan və erməni kilsəsinin çar Rusiyasına qarşı mübarizəsindən başlanmışdı. 80-cı illərin sonundakı antirus fəaliyyətlərində rus siyasətçilərinin və ziyalılarının da erməniləri dəstəkləməsi maksimuma çatmışdı. İndi də təxminən ona bənzər vəziyyət yaranıb”, - deyə politoloq qeyd edib.
Onun sözlərin görə, dörd günlük aprel müharibəsi Ermənistan cəmiyyətinin Rusiyadan inciməsinin dönüş nöqtəsi kimi götürülür.
“Sanki əvvəllər heç nə yox imiş. RF Baş nazirinin müavini D.Roqozin Rusiya-Ermənistan münasibətlərinin pozulmasının əsas günahkarı hesab olunur. Ermənilər Qriboyedovun öldürülməsində, SSRİ-nin dağılmasında iştirak edərkən D.Roqozin rəsmi şəxs deyildi.
RF-in Ermənistandakı səfiri İ.Volınkin hətta öz naziri S.Lavrovun Ermənistanla əlaqəli verdiyi bəyanatları müdafiə edə bilmir. Bəzən ermənilərin maraqları prizmasından Rusiyanın dövlət siyasətinin əleyhinə gedir. PolitoloRusiya hərbi-texniki əməkdaşlıq üzrə federal xidmətinin rəhbəri Fomin və onun müavini Drojjov Ermənistanın hərbi imkanlarını gücləndirən sənədə imza atdılar”, - Mübariz Əhmədoğlu davam edib.
Politoloqun fikrincə, bu iki prizma Rusiyaya qarşı yönəlib.
“Birincisi, Ermənistanın hərbi imkanlarının genişlənməsi Dağlıq Qarabağ münaqişəsində baş verə biləcək müharibənin miqyasını genişləndirir. Bu isə Dağlıq Qarabağ müharibəsinin Şimali Qafqaza keçmək ehtimalını artırır. İkincisi, Ermənistanın maliyyə imkanlarının məhdudluğu şəraitində ona belə hərbi yardımlar siyasi məqsədlidir. Azərbaycan belə siyasətə siyasi yolla cavab verə bilər. Ən azı silahlanma yarışmasını Rusiya-Azərbaycan-Ermənistan üçbucağından çıxara bilər. Bunun həlli çox sadədədir. Azərbaycan Rusiyadan silah almasını azaldacaqdır.
Hər halda RF özünü daxildən parçalanmağın yolunu və müəllifini ABŞ-a açıq şəkildə nümayiş etdirdi. Rusiya yalnız ermənilərin təsiri altından çıxdıqdan sonra müstəqil siyasət apara bilər. Rusiyadakı ermənilərin bəzən incidilməsi, Dövlət Dumasına seçilməsinin qarşısının alınması müvəqqəti haldır. Ola bilər ermənilərin özlərinin taktiki geriləməsidir. Hər halda Ermənistanın indiki baş naziri K.Karapetyanın təyinatı Rusiyadakı ermənilərin istənilən antiRusiya addıma getməyə hazır olduğunun göstəricisidir”, - deyə M.Əhmədoğlu vurğulayıb.
1news.az
