“Azərbaycan” kinoteatrı yenidən fəaliyyətə başladı - FOTO
Bir müddət əvvəl öz fəaliyyətini dayandırmış "Azərbaycan" kinoteatrı yenidən fəaliyyətə başlayıb.
1news.az Azərtac-a istinadən xəbər verir ki, təzə təmirdən çıxmış kinoteatr Məmməd Əmin Rəsulzadə küçəsində yerləşir, giriş isə elə Əbdülkərim Əlizadə küçəsindəndir.
Kinoteatrda dünya stardartlarına cavab verən 2 mərtəbədən ibarətdir. 3 zal və 190 oturacaq yeri var. Zallar rahat və yüksək keyfiyyətli kreslolar ilə təchiz olunub. Xüsusi zövq ilə layihələndirilmiş VIP zalda tamaşaçılar ayrıca masası olan kreslolarda film izləmək və VİP-bar xidmətlərindən istifadə edə bilərlər.
Bundan əlavə, kinoteatrın birinci mərtəbədən ikinci mərtəbəyə qalxmaq üçün xüsusi liftlər quraşdırılıb. Onların köməyi ilə həm VİP zalın tamaşaçıları növbə gözləmədən zala daxil ola, həmdə fiziki qüsurlu insanlar əlil arabaları ilə rahat şəkildə ikinci mərtəbəyə qalxa bilərlər. Həmçinin, əlil arabalı üçün zallarda xüsusi yerlər quraşdırılıb.
1news.az
