Bu gün Milli Park və Qoruqlar Günüdür – FOTO | 1news.az | Xəbərlər
Cəmiyyət

Bu gün Milli Park və Qoruqlar Günüdür – FOTO

11:55 - 11 / 01 / 2017
Bu gün Milli Park və Qoruqlar Günüdür – FOTO

Bu gün – 11 yanvar Milli Park və Qoruqlar Günüdür.

1news.az-ın məlumatına görə, hazırda, ölkəmizdə ümumi sahəsi 892546,49 hektar olan xüsusi mühafizə olunan təbiət əraziləri, o cümlədən, 9 milli park, 11 dövlət təbiət qoruğu və 24 dövlət təbiət yasaqlığı fəaliyyət göstərir. Ümumilikdə, xüsusi mühafizə olunan təbiət əraziləri ölkə ərazisinin 10,3 faizini, o cümlədən milli parklar 3,7 faizini təşkil edir.

Milli Parklar və qoruqlar sayı azalmaqda olan bitki və heyvan növlərini qorumaq üçün nəzərdə tutulub. Qoruqlar həm də elmi əhəmiyyət daşıyır. Burda alimlər bitki və heyvanlar üzərində müşahidə aparır, nəsli kəsilməkdə olan növlərin sayını artırmaq üçün yollar axtarırlar.

Azərbaycanda ilk qoruq olan Göy-göl Dövlət Təbiət Qoruğu 1925-ci ildə yaradılıb. 1929-cu ildə Qızılağac və Zaqatala qoruqları və 1936-cı ildə Hirkan qoruğu təsis edilib. Beləliklə, 1958-ci ilə qədər 4 qoruq fəaliyyət göstərib.

1958-ci ildən başlayaraq, 1990-cı ilə kimi qoruqların yaradılması prosesi davam etdirilib və bir neçə ildən bir yeni qoruq təşkil edilib. 1990-cı ildə Altıağac Dövlət Təbiət Qoruğu yaradılıb. 2003-cü ildə Naxçıvan Muxtar Respublikasında Şahbuz, 2004-cü ildə isə Eldar şamı, 2007-ci  ildə Bakı və Abşeron yarımadasının Palçıq Vulkanları Qrupu, 2008-ci ildə icə Korçay Dövlət Təbiət Qoruğunun əsası qoyulub. Eyni zamanda 2003-cü ildə Türyançay,Pirqulu,İlisu, Qarayazı,İsmayıllı, 2008-ci ildə isə Zaqatala Dövlət Təbiət Qoruqlarının əraziləri 2-3 dəfədən çox genişləndirilib.

Qoruğun başqa forması olan Milli parkda ayrı – ayrı növlər yox, bütün təbiət qorunur. Milli parklar – xüsusi ekoloji, tarixi, estetik və digər əhəmiyyət daşıyan təbiət komplekslərinin yerləşdiyi və təbiəti mühafizə, elmi tədqiqat statusuna malik olan ərazilərdir.

Dünyada yaradılan ilk milli park isə ABŞ-dakı Yelouston milli parkıdır. Burada min hektara yaxın iynəyarpaqlı meşə qorunur.

Qeyd edək ki, Ekologiya və Təbii Sərvətlər Nazirliyi yaradılana qədər Azərbaycanda Milli parklar mövcud deyildi. 2003-cü ildən başlayaraq nazirlik tərəfindən Akademik Həsən Əliyev adına Ordubad, Şirvan, Ağ göl, 2004-cü ildə Hirkan, Altıağac, 2005-ci ildə Abşeron, 2006-cı ildə Şahdağ, 2008-ci ildə isə Göygöl Milli Parkları yaradılıb.

2008-ci ildə Hirkan Milli Parkının ərazisi genişləndirilərək 40358 hektara çatdırılıb. 2009-cü il 25 noyabr tarixində ölkə Prezidentinin Sərəncami ilə Ordubad Milli Park ərazisi Şahbuz Dövlət Təbiət Qoruğu, Şahbuz, Culfa, Ordubad rayonlarının torpagları hesabına genişləndirilərək sahəsi 42797,4 ha çatdırılıb. Eyni sərəncamla Milli Parkın adı dəyişdirilərək Akademik Həsən Əliyev adına Zəngəzur Milli Parkı adlandırılıb.

Nazirlər Kabinetinin 2010-cu il 8 iyul tarixli Sərəncamı ilə Şahdağ Milli Parkının ərazisi 14613,1 hektar genişləndirilərək, 130508,1 hektara çatdırılıb. Ölkə Prezidentinin 2012-ci il 5 noyabır tarixli sərəncamı ilə Yalama Meşə Mühafizəsi və Bərpası Müəssisəsinin meşə fondu torpaqların hesabına 11772,45 hektar ərazidə Samur-Yalama Milli parkı yaradılıb.

Bununla yanaşı Ekologiya və Təbii Sərvətlər Nazirliyi tərəfindən yeni, xüsusi mühafizə olunan təbiət ərazilərinin yaradılması istiqamətində işlər davam etdirilir. Digər tərəfdən mövcud qoruqların əraziləri də genişləndirilir.

Qızılağac dövlət təbiət qoruğunun ərazisinin genişləndirilərək dənizkənarı milli parkının yaradılması nəzərdə tutulub.

Qeyd edək ki, fauna və floranın qorunmasında dövlət təbiət yasaqlıqlarının da xüsusi rolu var. Azərbaycanda ilk yasaqlıq 1961-ci ildə yaradılıb. 1993-cü ilə qədər yasaqlıqların yaradılması prosesi davam etdirilib. 2003-cü ildə yenidən yasaqlıqların yaradılmasına başlanılıb və həmin ildə Qax, 2005-ci ildə isə Arazboyu və Hirkan, 2008-ci ildə Zaqatala, 2009-cu ildə isə, Arpaçay və Rvarud Dövlət Təbiət Yasaqlıqları yaradılıb.

1news.az

Paylaş:
8133

Son xəbərlər

Dolların sabaha olan rəsmi məzənnəsi açıqlanıbBu gün, 18:02Bakıda saxta spirtli içkilərin satıldığı müəssisə aşkarlanıbBu gün, 17:55İƏT-in “Birlikdə gələcəyə” çağırışı yeni reallıqların diktə etdiyi strateji tərəfdaşlığın möhkəmlənməsinə imkan yaradacaq - Vüqar RəhimzadəBu gün, 17:45Cartier Zərgərlik Evinin qlobal layihəsindəki ilk azərbaycanlı – İsfar Sarabski - FOTOBu gün, 17:41FİFA klublararası dünya çempionatının vaxtını açıqlayıbBu gün, 17:32Gənclər və idman nazirinə yeni müavinlər təyin edilibBu gün, 17:17Prokurorluq Yasamalda 18 yaşlı qızın intiharı ilə bağlı məlumat yaydıBu gün, 17:02Pay torpaqlarına çıxarış verilməsi üçün rüsum tutulmayacaqBu gün, 17:01Deputat: “Azərbaycanın Türkmənistan və İranla imzaladığı müqavilə regionun enerji xəritəsini dəyişə biləcək”Bu gün, 17:00“Təhsil haqqında” qanuna edilən dəyişikliklər təsdiqləndiBu gün, 16:57Azərbaycandan Iğdıra avtomobil yolu çəkiləcəkBu gün, 16:53Maliyyə dələduzluq piramidası yaradaraq vətəndaşların pulunu ələ keçirən mütəşəkkil dəstə üzvləri tutulub - VİDEOBu gün, 16:49Azərbaycanda son sutka COVID-19 əleyhinə 297 vaksin vurulubBu gün, 16:4829 noyabra olan koronavirus statistikası AÇIQLANDIBu gün, 16:46Azərbaycanda baş məşqçinin kürəkəni hakimi döyübBu gün, 16:42“Ermənistanda dini, irqi, milli dözümsüzlük ən yüksək həddədir” - İlyas Hüseynov yazırBu gün, 16:27Cəbrayılda təmir-tikinti işləri aparan şəxs minaya düşübBu gün, 16:14Prezident dünya şöhrətli rəssama Azərbaycan vətəndaşlığı verdiBu gün, 15:41Minaatan və artilleriya bölmələrinin döyüş atışlı taktiki təlimləri keçirilib - VİDEOBu gün, 15:26Bərdə-Ağdam avtomobil yolunun tikintisi davam etdirilir - FOTOBu gün, 15:17
Bütün xəbərlər

Next TV