Erməni əsilli üç fransız parlamentə seçilib

Fransada keçirilən parlament seçkilərində üç erməni əsilli fransız Milli Yığıncağına seçilib.

1news.az “aysor.am”a istinadla xəbər verir ki, onlar prezident Emmanuel Makronun "İrəli, respublika" hərəkatından seçiliblər.

Onlar Jak Marilosyan(Paris), Daniel Kazaryan(Lion) və 30 yaşlı Giyo Kasbaryandır(Şartr). Bundan başqa həyat yoldaşı erməni olan Nadya Esayan da parlamentə seçilib.

Erməni əsilli Fransa ictimai xadimi Arman Avakyan bildirib ki, tarixində ilk dəfə olaraq 3 erməni əsilli fransız parlament üzvü seçilib.

Pərvanə Sultanova