Bakıda yolu keçən piyadanı maşın vurub

Bakıda yolu keçmək istəyən piyadanı maşın vurub.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 21 radələrində Nərimanov rayonunun A.Nemətulla küçəsində qeydə alınıb.

Belə ki, Bakı şəhər sakini Natiq Rüstəmov idarə etdiyi “Toyota” markalı avtomobillə yolu keçən paytaxt sakini Ceyran Kazımovanı vurub və nəticədə piyada hadisə yerində ölüb.

Faktla bağlı Nərimanov RPİ tərəfindən araşdırma aparılır.

Babək Cahandarov