Həmkəndlisini güllələyib intihar etmək istədi
Xaşmaz rayonunda həmkəndlilər arasında yaranan münaqişə xoşagəlməz sonluqla bitib.
1news.az-ın Daxili İşlər Nazirliyinə istinadən verdiyi xəbərə görə, oktyabrın 3-də Xaçmaz rayonunun Qımılqışlaq kəndində kənd sakini 60 yaşlı Gülbala Məmmədseyidov münaqişə zəminində tüfəngdən açdığı atəşlə həmkəndlisi 61 yaşlı Abdulağa Mehrəliyevə xəsarət yetirib.
O sonra “VAZ-21011” markalı avtomobili ilə özünə məxsus bağ sahəsinə gedib, orada avtomobili yandırıb və tüfəngdən açdığı atəşlə özünə də xəsarət yetirib.
Hər iki yaralı xəstəxanaya yerləşdirilib, vəziyyətləri ağırdır.
Xaçmaz RPŞ-nin əməkdaşları tərəfindən hadisə yerindən “İJ-16” markalı tüfəng götürülüb.
Faktla əlaqədar Cinayət Məcəlləsinin 29,120-ci (qəsdən adam öldürməyə cəhd) maddəsi ilə cinayət işi başlanılıb. Araşdırma aparılır.
Babək Cahandarov
