Qarabağ icmasının yeni sədri kimdir?: Dosye - FOTO - VİDEO | 1news.az | Xəbərlər
Siyasət

Qarabağ icmasının yeni sədri kimdir?: Dosye - FOTO - VİDEO

14:09 - 21 / 12 / 2018
Qarabağ icmasının yeni sədri kimdir?: Dosye - FOTO - VİDEO

Xəbər verildiyi kimi, dünən Tural Gəncəliyev Azərbaycan Respublikasının Dağlıq Qarabağ bölgəsinin azərbaycanlı icmasının yeni sədri seçilib.

1news.az Tural Gəncəliyev haqqında ətraflı məlumatı təqdim edir.

Tural Babaşah oğlu Gəncəliyev, 6 mart 1980-ci ildə Şuşa şəhərində anadan olub. Uşaqlıq illərini Şuşanın ən qədim və məhşur məhəllələrindən biri sayılan “Çölqala Məhəlləsi”ndə yerləşən Xan qızı Xurşudbanu Natəvan, Azərbaycanın dahi bəstəkarı Uzeyir Hacıbəyov və tanınmış muğam ustası Xan Şuşinskinin ev muzeyləri ilə qonşuluqda keçirib. Bu isə onun sonradan musiqi təhsili almağına həvəs yaradıb. Daha sonra Şuşa şəhəri Vaqif Cəfərov küçəsi 28 ünvanında yaşayıb.

Şuşa şəhər 4 saylı orta məktəbdə ibtidai təhsil alıb. 1987-ci ildə Şuşa şəhəri Niyazi adına musiqi məktəbində tar sinfinə daxil olub.

Eyni zamanda, atası Gəncəliyev Babaşah Şuşa şəhər Uşaq Şahmat məktəbinin direktoru işlədiyi müddətində şahmat dərsləri sinfinə gedərək, şahmat təlimi alıb. Dağlıq Qarabağda keçirilən musiqi müsabiqələri və şahmat yarışlarında uşaq vaxtlarımdan iştirak edib.

Şuşanın işğalı səbəbindən 1992-ci ilin may ayından etibarən Bakı şəhərinə köşüb və məcburi köçkün olaraq orta məktəb və musiqi təhsilini Bakıda davam etdirib. 1995-ci ildə Bakıda musiqi məktəbləri arasında keçirilmiş Hacı Xanməmmədovun xatirəsinə həsr olunmuş musiqi müsabiqəsinin qalibi olub və Dövlət Filarmoniyası və Rəşid Behbudov adına mahnı teatrında musiqi proqramları ilə çıxış edib.

2000-ci ildə Bakı Dövlət Universitetinin hüquq fakültəsinin hüquqşünaslıq ixtisası üzrə bakalavr pilləsini, 2002-ci ildə isə eyni fakültənin magistraturasını fərqlənmə diplomu ilə bitirib.

5 avqust 2004-cü ildə Azərbaycan Xarici İşlər Nazirliyinin Təhlükəsizlik Problemləri İdarəsinin referenti vəzifəsinə, 2006-cı ilin 16 yanvar tarixində həmin idarənin attaşesi, 2008-ci ilin 1 may tarixində üçüncü katibi vəzifəsinə təyin edilib.

2008-ci ilin dekabr ayında Azərbaycanın Kanadadakı səfirliyinə ezam edilib.

Səfirlikdə uzunmüddətli ezamiyyət müddəti bitdikdən sonra, 25 yanvar 2013-cü il tarixində Xarici İşlər Nazirliyinin Amerika İdarəsinin Şimali və Mərkəzi Amerika şöbəsinə təyin edilib. 8 aprel 2014-cü il tarixində birinci katib vəzifəsini alıb.

2014-cü ilin 1 oktyabr tarixindən etibarən Azərbaycanın Çex Respublikasındakı səfirliyinə birinci katib vəzifəsinə təyin edilib.

2017-ci ilin 16 noyabr tarixində ATƏT-in İnsan ölçüsü çərçivəsində “İnsan hüquqları və məcburi köçkünlər haqqında” Vyana şəhərində keçirilən konfransda Dağlıq Qarabağın Azərbaycanlı İcmasının təmsilçisi qismində çıxış etmək üçün Avstriyaya ezam edilib.

2018-ci ilin 1 oktyabr tarixindən etibarən Çexiyada uzunmüddətli ezamiyyətini başa vuraraq, Xarici İşlər Nazirliyinə geri çağırılıb.

Xarici İşlər Nazirliyində işlədiyi müddət ərzində bir sıra diplomatik kurslar və seminarlarda iştirak etmək məqsədilə xarici ölkələrə ezam edilib. (Almaniya, Bolqarıstan, Misir və s.).

İngilis, fransız və rus dillərini bilir. Ailəlidir.

Azərbaycanın Dağlıq Qarabağ bölgəsinin Azərbaycanlı icmasının 20 dekabr tarixində keçirilmiş qurultayının qərarı ilə icmanın yeni sədri seçilib. T.Gəncəliyev ictimai əsaslarla fəaliyyət göstərərək icmanın fəaliyyətinə öz töhfəsini verəcəkdir.  

Tural Gəncəliyevin Xocalı soyqırımı haqqında ingilis və fransız dillərində çıxışı: 

Tarda ifası:

 

Paylaş:
3113

Son xəbərlər

Azərbaycanın turizm çarxını müsabiqədə birinci edəkBu gün, 09:47Məktəbdə şagird sinif yoldaşını döyüb videoya çəkdiBu gün, 09:46Azərbaycan Mərkəzi Bankının valyuta məzənnələriBu gün, 09:30Azərbaycan nefti bahalaşıbBu gün, 09:27Azərbaycan neftinin qiyməti 93 dolları keçibBu gün, 09:24Cəbrayılın işğaldan azad edilməsindən 2 il ötürBu gün, 09:16Bakının bu küçələrində sıxlıq varBu gün, 09:15Azərbaycan XİN məlumat yayıbBu gün, 09:13Kəlbəcər və Tovuz istiqamətlərində mövqelərimiz atəşə tutulubBu gün, 09:09Azərbaycanın İraqdakı səfirliyinin təşəbbüsü ilə kərküklü şagirdlərə yardım göndərilib03 / 10 / 2022, 18:40Yevlaxda 15 yaşlı gənci intihar həddinə çatdıran şəxs həbs edilib03 / 10 / 2022, 17:36Onkoloji xəstələrin və qazilərin bank hesablarındakı pulları ələ keçirən şəxs saxlanılıb - FOTO - VİDEO03 / 10 / 2022, 17:22Deputatdan oğlunun qaçırılması ilə bağlı xəbərə REAKSİYA03 / 10 / 2022, 17:05Qumar borcu üstündə qətl törədən şəxsə hökm oxunub03 / 10 / 2022, 17:03İlham Əliyevdən Elnur Məmmədli ilə bağlı SƏRƏNCAM03 / 10 / 2022, 16:59Bakıda 16 yaşlı qıza təcavüz edildi03 / 10 / 2022, 16:44Son sutkada Azərbaycanda COVID-19 əleyhinə yalnız bir peyvənd vuruldu03 / 10 / 2022, 16:39Azərbaycanda daha 26 nəfər COVID-19-a yoluxub03 / 10 / 2022, 16:38DİM: “Bu il qəbul imtahanlarında 2077 nəfər 600 və daha yuxarı bal toplayıb”03 / 10 / 2022, 16:26Kürdəmirdə 33 yaşlı ər 23 yaşlı arvadını bıçaqladı03 / 10 / 2022, 16:23
Bütün xəbərlər

Next TV