Məhkəmədən Nərmin Şahmarzadə ilə bağlı qərar
Bu gün Xətai Rayon Məhkəməsində psixoloq Nərmin Şahmarzadə ilə idmançı Araz Musayevin məhkəmə hazırlıq iclası baş tutub.
İdmançının vəkili Ramil Rüstəmov məhkəmədən Nərmin Şahmarzadəni 147-ci maddə ilə məsuliyyətə cəlb olunmasını xahiş edib.
Vəkil məhkəmədən Şahmarzadəni 3 il müddətinə azadlıqdan məhrum edilməsi istəyib. Digər tələb isə onun Azərbaycan xalqından üzr istəməsi ilə bağlı olub.
Məhkəmə müşavirədən sonra qərar verib. Hakim iddianı təmin etməyib və işə xitam verib.
Buna səbəb isə Nərmin Şahmarzadənin faktiki ünvanının Xətai rayonu olmaması göstərilb.
Vəkil Ramil Rüstəmov sənədlərə düzəliş edəndən sonra yenidən məhkəməyə müraciət edəcəklərini deyib.
Araz Musayev AZXEBER.COM-a açıqlamasında deyib ki, sənədlərdə texniki problem olduğu üçün dəqiqləşdirilmə aparılacaq: "Bizim vaxtımız az olduğuna görə bəzi sənədlərdə problem yaranmışdı, yəni məhkəmə iddiamızı rədd etdi demək düzgün deyil, biz sənədləri düzəldib, yenidən məhkəməyə müraciət edəcəyik. Hazırda sənədləri düzəldib, məhkəməyə gedirəm.
Qeyd edək ki, idmançı psixoloq Nərmin Şahmarzədəni Milli Qəhrəman Mübariz İbrahimov haqda səsləndirdiyi fikirlərə görə məhkəməyə verib.
AZXEBER.COM
S.Xankişiyeva
