Bakıda pediatrik xəstəliklərlə bağlı beynəlxalq konfrans keçiriləcək
31 may-2 iyun 2021-ci il tarixlərində Bakıda “1 İyun Uşaqların Beynəlxalq Müdafiəsi Günü”nə həsr edilmiş "Pediatrik Xəstəliklərə Multidisiplinar Yanaşma" mövzusunda beynəlxalq elmi konfrans keçiriləcək.
Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin və Mərkəzi Gömrük Hospitalının təşkilatçılığı, Mərkəzi Gömrük Hospitalın rəsmi tərəfdaşı Florence Nightingale Xəstəxanalar Qrupunun, eləcə də "Uptodate in Medicine MMC" şirkətinin dəstəyi ilə ZOOM platforması üzərindən təşkil olunacaq konfrans 3 gün ərzində davam edəcək.
Nəzərinizə çatdıraq ki, konfransda yerli və beynəlxalq mütəxəssislər tərəfindən ümumilikdə 26 məruzə dinləniləcək, təcrübə mübadiləsinin təmin olunması üçün panel müzakirələr təşkil ediləcək. Kardioloji, neonatoloji, endokrinoloji, hepatoloji, qastroenteroloji və ümumi pediatrik panellərdən ibarət olacaq konfransda müvafiq sahələrin mütəxəssisləri iştirak edə bilər. Konfransda proqramın 80 faizini tamamlayan hərkəsə onlayn sertifikat veriləcək.
Konfrans akkreditasiya edilməsi üçün Səhiyyə Nazirliyinin elektron bazasından qeydiyyatdan keçirilib.
Konfransda iştirak ödənişsizdir. Yerlər məhdud olduğu üçün qeydiyyatdan keçmək mütləqdir!
Proqramla tanış olmaq üçün aşağıdakı linkə keçid edə bilərsiniz:
https://customshospital.az/pediatrik-xestelikler-multidisplinar-yanashma/
Qeydiyyatdan keçmək üçün link: https://forms.gle/TBPHJLjccgWUgw1s9
1news.az