Azərbaycanla Belarus arasında yeni müqavilə təsdiq edildi

Milli Məclisin bu gün keçirilən növbədənkənar iclasında “Azərbaycan Respublikasının Müdafiə Nazirliyi ilə Belarus Respublikasının Müdafiə Nazirliyi arasında ikitərəfli əməkdaşlığın həyata keçirilməsi zamanı məxfi informasiyanın qarşılıqlı ötürülməsinə dair” Müqavilənin təsdiq edilməsi məsələsinə baxılıb.

1news.az xəbər verir ki, sənədin müzakirəsi zamanı deputatlarlar Azərbaycan və Belarus arasında olan münasibətlərdən danışaraq, sənədin iki ölkə arasında əlaqələrin inkişafına xidmət edəcəyini vurğulayıblar.

Müzakirələrdən sonra sənəd səsverməyə qoyularaq qəbul edilib.

Qafar Ağayev