İran nə istəyir, rus sülhməramlılarının bölgəyə gəlməsində məqsəd nədir? - Politoloq qaranlıq məqamlardan DANIŞDI | 1news.az | Xəbərlər
Siyasət

İran nə istəyir, rus sülhməramlılarının bölgəyə gəlməsində məqsəd nədir? - Politoloq qaranlıq məqamlardan DANIŞDI

15:46 - 15 / 09 / 2021
İran nə istəyir, rus sülhməramlılarının bölgəyə gəlməsində məqsəd nədir? - Politoloq qaranlıq məqamlardan DANIŞDI

“Türkiyə və Azərbaycan qüvvələrinin Laçında birgə hərbi təlimi və sonra Türkiyə, Pakistan və Azərbaycan qüvvələrinin təlimləri bəziləri üçün narahatlıq yaradır”.

Bunu 1news.az-a açıqlamasında politoloq Elman Vəliyev bildirdi. İran tərəfinin Ermənistana Gorus-Qafan magistralı vasitəsilə yüklər daşıdığını deyən politoloq əlavə etdi ki, Azərbaycan tərəfi İrana bu barədə nota verdi, amma İran buna baxmayaraq yükdaşımalarına davam elədi:

“İranla Ermənistan arasındakı əlaqələr İkinci Qarabağ müharibəsindən sonra bir xeyli məhdudlaşdı. Azərbaycan tərəfi Gorus-Qafan yolunda başlanğıc olaraq nəzarət postları təşkil edib. Bu marşrut xətti tam nəzarətə götürülsə Ermənistan üç tərəfdən blokadada qalacaq. Azərbaycan tərəfi də bunu etməklə çalışır ki, Ermənistan vəziyyəti tez anlaya bilsin və sülhə yaxın gəlsin. Ermənistanın belə bir situasiyada alternativləri məhdudur. Özü də yaxşı başa düşür ki, kompromisə getmək ən əlverişli yoldur. Amma fikirləşir ki, digər çıxış yolları tapaq (hədə-qorxu gəlməklə, digər dövlətlərdən yardım istəməklə) əgər alınmazsa, razılaşmaqdan başqa əlac yoxdur. Həmçinin ehtiyatı da əldən vermək istəmir. Fikirləşir ki, açıq şəkildə Azərbaycanın dediklərini yerinə yetirsəm yenə xalqla hakimiyyət arasında ixtilaf düşəcək. Amma buna baxmayaraq üçtərəfli bəyanatın icrası yerinə yetiriləcək. Ermənistan tərəfi anklavları məcbur geri qaytaracaq”.

İranın bu tip propaqandalı siyasətinə qarşı mütləq şəkildə adekvat cavablar veriləcəyini deyən Elman Vəliyev onu da bildirdi ki, əgər cavab verilməsə bu gələcəkdə İranın özbaşınalıqlarına səbəb ola bilər:

“İlk öncə yenə də nota verilməli, sonra İran səfirliyi xarici işlər nazirliyinə çağrılmalıdır. İran tərəfi fikirləşməlidir ki, bu məsələdə itirən tərəf özü olacaq. Artıq Ermənistan heç kimə lazım deyil. İran Azərbaycanla münasibətləri korladıqca İsrail Azərbaycana daha da yaxınlaşacaq. Zənn edirəm ki, İran bunun fərqindədir. İran tərəfinin bu məsələ ilə bağlı özünü sığortalamaq xarakterli cavab verəcəyinə əminəm. Digər bir məqam isə, İranın bu yük maşınlarının sürücülərinin cənub soydaşlarımzdan təşkil etməsidir. Bunu etməklə iki tərəf arasına nifaq toxumları səpir. Yəni, şimaldakılar baxsınlar ki, cənubdakılar ermənilərə dəstək olurlar. Amma halbuki biz müharibədə qələbə qazananda Araz boyu yerlərdə soydaşlarımız necə sevinirdilər”.

Xankəndində insanlara pasport verilməsi ilə bağlı narahatlıqlar yarandığını dilə gətirən politoloq əlavə etdi ki, Ermənistan tərəfi Xankəndini “Artsax” adlandırdıqları qondarma respublikanın tərkibində sayırlar:

“ Rəsmən isə bu respublika mövcud deyil. Rəsmən mövcud olmayan bir respubliknın pasportunu da sakinlərə vermək düzgün sayılmaz. Xankəndi də Azərbaycan ərazisi olduğu üçün Ermənistan pasportu da vermək olmur. Əvvəllər pasportlarına Ermənistan vətəndaşı yazılırdı. Yaşadığı yeri də Ermənitan ərazisi kimi göstərirdilər. Bunların xəyallarından keçən o idi ki, qondarma respublika rəsmən tanınsın və burdakıların pasportlarına “Artsax” vətəndaşı yazılsın. Amma bu elə xülya olaraq da qaldı. İkinci Qarabağ savaşından sonra vəziyyət tamamilə dəyişdi. Artıq zaman keçdikcə həmin ərazilərdə yaşayan sakinlərin pasportuna Azərbaycan vətəndaşı yazılacaq".

Politoloq rus sülhməramlılarının bölgədə yerləşdirilmısi məsələsinə də toxundu:

“Hal-hazırda tərəflər arasında sülh sazişi olmadığından bölgədə müvəqqəti rus sülhməramlıları yerləşib.
Sülhməramlıların sabiq komandiri Rüstəm Muradov vəzifəsini yekunlaşdıran zaman çıxış edərək dedi ki, sülhməramlılar üçtərəfli bəyanata əsasən 5 il bölgədə qalacaq, sonra müddəti uzadılacaq. Sülhməramlılar mövcud olduğu müddətcə öz missiyalarını düzgün yerinə yetirmirlər. Sülhməramlılar olmazsa, tərəflər arasında konflikt dayanmayacaq deyə bir tendensiya reallığa sığmır. Sülhməramlıların bölgəyə gəlməsində məqsəd münaqişə tərəfləri arasında sülhü qorumaqdır, yoxsa bölgədə möhkəmlənməkdir? Əlbəttə ki, sülhü qorumaqdır. Qarabağ Gürcüstan, Moldova, Ukrayna deyil!”.

Aytən Sakitqızı

Paylaş:
136

Son xəbərlər

Azərbaycanın “Doing Business” hesabatında göstəriciləri qəsdən pisləşdirilib - ARAŞDIRMABu gün, 14:37Tovuzda avtoxuliqan polisi maşınla vurubBu gün, 14:10BMT İnkişaf Proqramının Azərbaycandakı nümayəndəsinin fəaliyyət müddəti başa çatıbBu gün, 14:01Xarici diplomların tanınması üçün müraciətlərin sayı AÇIQLANDIBu gün, 13:49Ölkədə çörəyin bahalaşmasının qarşısını necə almaq olar? - Ekspert rəyiBu gün, 13:36Şuşanın 2023-cü ildə “Türk dünyasının mədəniyyət paytaxtı”na namizədliyi təqdim edilibBu gün, 13:302021-2022-ci ildə peşə təhsili üzrə 21525 tələbə qəbulu olubBu gün, 13:21“Azərenerji”nin əməkdaşını cərəyan vuraraq öldürübBu gün, 13:02Könül Nurullayeva: “Həmsədrlərin sülh səylərinə xələl gətirən addımları Ermənistanı aqressiyaya həvəsləndirir”Bu gün, 12:55Ağdamda beynəlxalq elmi-praktik konfrans keçirilir – FOTOBu gün, 12:47Təhsil tələbə kreditlərinin veriləcəyi tarix AÇIQLANDIBu gün, 12:28“Carlsberg Azerbaijan” yerli arpadan hazırlanmış “Xırdalan” pivəsinin istehsalına başlayıb - FOTOBu gün, 12:15DİN avtomobil nəqliyyatında sərnişindaşımaya nəzarəti gücləndirdi – Qarşısı alınacaqBu gün, 12:12Yeni tədris ili üçün SABAH magistraturası üçün 540 dövlət sifarişli yer verilibBu gün, 11:45Dünya birjalarında neftin bu günə olan qiymətiBu gün, 11:42Qarabağın dirçəlişində sənin də töhfən olsun!Bu gün, 11:30Bəhruz Niftəliyev: “Televiziya mənim üçün həyat tərzidir”Bu gün, 11:24Manatın xarici valyutalara qarşı rəsmi məzənnəsiBu gün, 11:09Kapital Bank illik 8%-dən başlayan sərfəli ipoteka krediti təklif edirBu gün, 10:30Avropa İttifaqının Cənubi Qafqaz üzrə xüsusi nümayəndəsi Ağdama gedirBu gün, 10:23
Bütün xəbərlər

Next TV