Gəncədə azyaşlılara işgəncə verən ögey anaya cinayət işi başlanıb | 1news.az | Xəbərlər
Cəmiyyət

Gəncədə azyaşlılara işgəncə verən ögey anaya cinayət işi başlanıb

Qafar Ağayev17:22 - 02 / 12 / 2021
Gəncədə azyaşlılara işgəncə verən ögey anaya cinayət işi başlanıb

Gəncədə azyaşlılara işgəncə verən ögey anaya cinayət işi başlanıb.

Baş Prokurorluğun Mətbuat xidmətindən 1news.az-a verilən məlumata görə, Gəncə şəhər sakinləri 2009-cu il təvəllüdlü Əli və 2010-cu il təvəlüdlü Nigar Hüseynovanın (ad və soyad şərtidir) ögey anaları tərəfindən mütəmadi olaraq döyülmələri və onlara əzab verilməsi ilə bağlı daxil olmuş müraciət əsasında Gəncə şəhər prokurorluğunda araşdırma aparılıb.

Aparılmış araşdırmalarla müəyyən olunub ki, azyaşlıların anasının ölümündən sonra ataları Zahid Hüseynovun (ad və soyad şərtidir) birlikdə yaşadığı Gəncə şəhər sakini Könül Vəliyeva (ad və soyad şərtidir) döyməklə və sair zorakı hərəkətlərlə azyaşlılara güclü fiziki ağrı və psixi iztirablar verib.

Faktla bağlı şəhər prokurorluğunda Cinayət Məcəlləsinin 133.2.1 (əzab vermə - iki və ya daha çox şəxsə qarşı törədildikdə) və 133.2.4-cü (əzab vermə - təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) maddələri ilə cinayət işi başlanaraq ibtidai istintaqın aparılması üçün aidiyyəti üzrə Gəncə şəhər Baş Polis İdarəsinin İstintaq və Təhqiqat İdarəsinə göndərilib.

İş üzrə müvafiq ekspertizalar təyin olunmuş, o cümlədən şahid dairəsinin müəyyənləşdirilməklə dindirilməsi həyata keçirilib.

Eyni zamanda, azyaşlıların prokurorluq orqanlarına müraciəti əsasında, onların sosial xidmət müəssisəsinə yerləşdirilməsi təmin edilib.

Bundan başqa, uşaqların doğma atası Zahid Hüseynovun (ad və soyad şərtidir) qeyd edilənlərdən məlumatlı olduğu, hadisələrin bir sıra hallarda onun gözü qarşısında baş verməsi, bununla da, Azərbaycan Respublikası Ailə Məcəlləsi ilə müəyyən edilmiş vəzifələrini həyata keçirmədiyi, uşaqların tərbiyəsinə, sağlamlığına və onların psixi, fiziki, mənəvi inkişafına laqeyd yanaşması aşkar edildiyindən Baş Prokurorluğun Cinayət təqibindən kənar icraatlar idarəsi tərəfindən valideynlik hüquqlarının məhdudlaşdırılması barədə məhkəmə qarşısında iddia qaldırılıb.

Nəticəsi barədə ictimaiyyətə ətraflı məlumatın verilməsi təmin ediləcəkdir.

Paylaş:
167

Son xəbərlər

9 illik bazadan kolleclərə ixtisas seçimi başa çatıbBu gün, 10:24BDU-da prorektorların say həddi müəyyənləşdirilibBu gün, 10:19Azərbaycan nefti cüzi bahalaşıbBu gün, 10:14Müəllimlərin işə qəbulu müsabiqəsinin müsahibə mərhələsinə start verilirBu gün, 09:58Əyləncə, istirahət və inkişaf! - Azərbaycanın ən böyük yay düşərgəsi uğurla başa çatıb!Bu gün, 09:57Sumqayıtda 36 yaşlı kişi qohumu tərəfindən öldürüldüBu gün, 09:26Bakıda 62 avtobusun hərəkəti gecikirBu gün, 09:24MEDİA-nın şöbə müdiri: “Dəstək göstərilən media subyektlərinin bəzilərinə xəbərdarlıq edilib, bəzilərinə isə...” - MüsahibəBu gün, 09:17Sumqayıtda mağazanın anbarı yanıbBu gün, 09:07Dördüncü ixtisas qrupu üçün dövlət sifarişi üzrə 2 min 635 yer ayrılıb17 / 08 / 2022, 17:59Polis futbol oyunlarına qanunsuz bilet satanları aşkarlayıb cərimə etdi17 / 08 / 2022, 17:41“Tesla” at arabasını yük maşını kimi qəbul etdi17 / 08 / 2022, 17:39Rusiya Hökumətinin sədri Əli Əsədova zəng edib17 / 08 / 2022, 17:37Yanğının “Qalaaltı” İstirahət Mərkəzinin ərazisinə keçməməsi üçün tədbirlər görülür - VİDEO17 / 08 / 2022, 17:10Səfir: “Britaniya bu sahədə Azərbaycanla əməkdaşlığı daha da genişləndirmək üçün çalışacaq”17 / 08 / 2022, 16:50Ötən sutka koronavirus əleyhinə nə qədər vaksin vurulub? - STATİSTİKA17 / 08 / 2022, 16:42Son sutkada COVID-19-a yoluxanların sayı açıqlanıb17 / 08 / 2022, 16:39III ixtisas qrupunda dövlət sifarişi üzrə 4593 yerə qəbul aparılır17 / 08 / 2022, 16:32“Rabitəbank”dan “Muğanbank”a transfer olub17 / 08 / 2022, 16:32Sumqayıtda mənzildə meyit tapılıb17 / 08 / 2022, 16:28
Bütün xəbərlər

Next TV