Rəsmi

Nizami Gəncəvi Beynəlxalq Mərkəzinin həmsədrləri və İdarə Heyətinin üzvləri Prezident İlham Əliyevi təbrik ediblər

12:40 - 23 / 12 / 2021

Nizami Gəncəvi Beynəlxalq Mərkəzinin həmsədrləri və İdarə Heyətinin üzvləri Prezident İlham Əliyevə təbrik məktubu göndərib.

1news.az-ın dövlət başçısının rəsmi saytına istinadən verdiyi xəbərə görə, məktubda deyilir:

"Zati-aliləri, cənab Prezident,

Sizi doğum gününüz münasibətilə təbrik edir və ən xoş arzularımızı çatdırırıq.

Bu il həm Sizin üçün, həm də bütövlükdə Azərbaycan üçün əlamətdar bir il oldu. Ölkəniz işğaldan azad edilmiş ərazilərdə keçmiş məcburi köçkünlərin yenidən öz normal həyatlarına qayıtmaları, iqtisadi fəaliyyətlərini bərpa etmələri üçün şəhərlərin, yaşayış məntəqələrinin, oradakı tarixi abidələrin bərpası və yenidən qurulması kimi çətin, lakin fərəhləndirici fəaliyyətə başladı. Artıq Şuşaya həyat qayıdır. Sizinlə birgə həmin ərazilərdə gəzərkən qazandığınız tarixi nailiyyətlərə, həyata keçirilən yenidənqurma işlərinə şahidlik etmək, eləcə də regionun gözəl təbiəti ilə tanış olmaq imkanı əldə etdik.

Pandemiya səbəbindən hələ də davam edən çətinliklərə baxmayaraq, bu il Nizami Gəncəvi Beynəlxalq Mərkəzi ailəsi üzvlərinin iştirakı ilə Qlobal Bakı Forumunun müvəffəqiyyətlə keçirilməsi bizi çox sevindirdi. Ümid edirik ki, gələn il keçiriləcək forum bundan da uğurlu olacaq. Fürsətdən istifadə edərək, Nizami Gəncəvi Beynəlxalq Mərkəzinə göstərdiyiniz yüksək inam və etimada, həmçinin davamlı böyük dəstəyə görə Sizə dərin minnətdarlığımızı bildiririk.

Zati-aliləri Sizi doğum gününüz və Yeni il münasibətilə bir daha təbrik edir, cansağlığı, xoşbəxtlik diləyirik.

Dərin hörmətlə,

Vayra Vike-Freyberqa

1999-2007-ci illərdə Latviya Respublikasının Prezidenti,

Nizami Gəncəvi Beynəlxalq Mərkəzinin həmsədri

İsmail Serageldin

1992-2000-ci illərdə Dünya Bankının vitse-prezidenti

Nizami Gəncəvi Beynəlxalq Mərkəzinin həmsədri

Rosen Plevneliyev

2012-2017-ci illərdə Bolqarıstanın Prezidenti

Əmr Musa

2001-2011-ci illərdə Ərəb Dövlətləri Liqasının Baş katibi