Azərbaycanda həbsdə olan iranlı qadın məhkumlar ölkələrinə təhvil verilib | 1news.az | Xəbərlər
Cəmiyyət

Azərbaycanda həbsdə olan iranlı qadın məhkumlar ölkələrinə təhvil verilib

S.Xankişiyeva17:47 - 19 / 01 / 2022
Azərbaycanda həbsdə olan iranlı qadın məhkumlar ölkələrinə təhvil verilib

Azərbaycanda cəza çəkən bütün iranlı qadın məhkumlar qarşı tərəfə təhvil verilib.

1news.az-ın verdiyi xəbərə görə, bu barədə Ədliyyə Nazirliyinin Mətbuat xidmətindən məlumat verilib.

Bildirilib ki, Prezident İlham Əliyevin rəhbərliyi ilə aparılan mütərəqqi islahatlar çərçivəsində Ədliyyə Nazirliyi tərəfindən beynəlxalq hüquqi əməkdaşlığın genişləndirilməsinə böyük önəm verilir.

Qeyd olunub ki, nazirlik tərəfindən 34 dövlətin, o cümlədən Avropa, Asiya, Afrika qitələrindən, Yaxın Şərq, MDB və sərhədyanı ölkələrin ədliyyə qurumları ilə ikitərəfli sazişlər çərçivəsində əməkdaşlıq edilir.

Bunun nəticəsində beynəlxalq hüquqi yardımla bağlı nazirliyə daxil olan sorğuların sayı dəfələrlə artaraq ötən ildə 23 minə çatıb.

"Qonşu və dost İranın Ədliyyə Nazirliyi ilə əməkdaşlığa dair Memorandum və Birgə Bəyanat, həmçinin hüquqi yardım sahəsində dövlətlərarası müqavilələr çərçivəsində səmərəli qarşılıqlı fəaliyyət, o cümlədən məhkumların cəzalarının qalan hissəsinin çəkilməsi üçün vətəndaşları olduqları ölkələrə verilməsi həyata keçirilir.

Dövlətimizin hər zaman qarşılıqlı hörmətə, mehriban qonşuluğa əsaslanan humanist siyasətinin və xoş niyyətinin əyani təzahürü olaraq cari il yanvarın 19-da ölkəmizdə cəza çəkən 3-ü qadın olmaqla 21 nəfər iranlı məhkum xüsusi karantin rejiminin tələblərinə əməl edilməklə öz ölkəsinə təhvil verilib. Bununla da Azərbaycanda cəza çəkən bütün iranlı qadın məhkumlar qarşı tərəfə təhvil verilib.

Bütün bu tədbirlər məhkumların və onların ailə üzvlərinin mənafelərinin təmin olunmasına, öz ailələrinə yaxın ərazidə cəza çəkmələrinə və sosial adaptasiyasına xidmət edir.

Beləliklə, son 5 ildə 136 məhkum qarşı tərəfə verilib, bununla yanaşı dövlətimizin humanist aktları ilə həmin dövrdə 100-ə yaxın iranlı məhkum fərdi qaydada Azərbaycan Prezidenti tərəfindən əfv olunub, qəbul edilmiş amnistiya aktları, o cümlədən Zəfər Günü münasibətilə elan olunmuş amnistiya və ya digər aktlarla vaxtından əvvəl cəzadan azad ediliblər.

Ədliyyə Nazirliyi tərəfindən bu sahədə tədbirlər bundan sonra da davam etdirəcəkdir", - məlumatda qeyd olunub.

Mövzu ilə əlaqədar oxuyun:

Zəfər Günü münasibətilə hazırlanan Amnistiya Aktı - TAM MƏTN

Sonuncu Amnistiya Aktı ilə azadlığa buraxılanların sayı açıqlanıb – STATİSTİKA

Paylaş:
218

Son xəbərlər

Fərid Əhmədov nazir müavini təyin olunub - Prezidentdən SƏRƏNCAM24 / 05 / 2022, 22:26Samir Məmmədov rəqəmsal inkişaf və nəqliyyat nazirinin müavini təyin edilib24 / 05 / 2022, 22:22Cavid Qurbanov ADY sədri vəzifəsindən azad edildi, nazir müavini oldu24 / 05 / 2022, 22:02Qala qoruğunda Beynəlxalq Çay Günü qeyd olunub - FOTO24 / 05 / 2022, 20:19İsveçrə Prezidenti İlham Əliyevi təbrik edib24 / 05 / 2022, 18:00Dolların sabaha olan rəsmi məzənnəsi açıqlanıb24 / 05 / 2022, 17:54Çempionlar Liqasında finalın topu təqdim edilib24 / 05 / 2022, 17:46Paytaxt məktəblərində “Şuşa İli” çərçivəsində tədbirlər davam edir24 / 05 / 2022, 17:39Qvineya-Bisau Prezidenti Azərbaycan dövlət başçısını təbrik edib24 / 05 / 2022, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıb24 / 05 / 2022, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”24 / 05 / 2022, 17:28“Toyota Prius” YPX avtomobilinə çırpıldı - VİDEO24 / 05 / 2022, 17:11Mayda qida zəhərlənməsindən 16 nəfər KTM-ə müraciət edib24 / 05 / 2022, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTO24 / 05 / 2022, 16:53ABB Şamaxı filialı və “Azəriqaz” şöbəsini də yenilədi24 / 05 / 2022, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırır24 / 05 / 2022, 16:3552 saylı marşrut xəttindən şikayət var – Redaksiyaya məktub24 / 05 / 2022, 16:20Azərbaycanın paytaxtında Bakı Enerji Həftəsi keçiriləcək24 / 05 / 2022, 16:14Fərid Qayıbov UNESCO-da komitə sədri seçildi24 / 05 / 2022, 15:56Həcc ziyarəti ilə bağlı sənədlərin qəbuluna start verilib24 / 05 / 2022, 15:51
Bütün xəbərlər

Next TV