Elmar Məmmədyarovun kimlərlə əlaqəsi var? - “Biz dost deyilik, qardaşıq”

“Bir çox xarici işlər naziri ilə münasibətlərim var”.

1news.az xəbər verir ki, Baku TV-yə müsahibəsində Azərbaycanın sabiq xarici işlər naziri Elmar Məmmədyarov deyib.

O bildirib ki, Türkiyənin xarici işlər naziri Mövlud Çavuşoğlu ilə əlaqəsi var.

“Atam rəhmətə gedəndə Mövlud Çavuşoğlu mənə zəng edib başsağlığı verdi. Biz həmişə “biz dost deyilik, qardaşıq” deyirdik, çünki mən Mövludu neçə ildir tanıyıram, Leninqradda (indiki adı Sankt-Peterburq) 6 ay oxuyaraq rus dilini öyrənib. Hərdən zarafatla “Mən sənə rus dilində dərs keçim?” deyirdim. Bacarıqlı bir diplomatdır, təcrübəsi çoxdur, vaxtilə Avropa Şurasında da çalışıb. Dostumdur, qardaşımdır, təmasdayıq”.

E.Məmmədyarov deyib ki, Rusiyanın xarici işlər naziri Sergey Lavrovla da əlaqələri var.

“Lavrovla təmasda idim, zəng vurudu, halımı soruşurdu. İndi də təmasdayam, indi birbaşa telefonla zəng vurmasa da xəbər göndərir, salamını çatdırır. Macarıstanın xarici işlər naziri ilə dostluq edirəm, bayramlarda məni təbrik edir”.