“Azərsun Holdinq”in Cəbrayılda minaya düşən əməkdaşı ağır bədən xəsarətləri alıb - YENİLƏNİB
Cəbrayıl Rayon Prokurorluğu "Azərsun Holdinq"ə məxsus nəqliyyat vasitəsinin minaya düşməsi ilə bağlı açıqlama yayıb.
Cəbrayıl rayon prokurorluğundan 1news.az-a verilən məlumata görə, iyulun 14-ü saat 13 radələrində Cəbrayıl rayonunun işğaldan azad olunmuş ərazisində 1996-cı il təvəllüdlü Şamil Məmmədovun minaya düşməsi barədə rayon prokurorluğuna məlumat daxil olub.
Aparılmış ilkin araşdırmalarla kənd-təsərrüfatı fəaliyyəti ilə məşğul olan "Azərsun holdinq"in sürücüsü Şamil Məmmədovun rayonun Dağ Tumas kəndi ərazisində yük maşını ilə hərəkətdə olarkən tank əleyhinə minaya düşməsi nəticəsində ağır dərəcəli bədən xəsarətləri alması müəyyən edilib.
Hazırda faktla bağlı Cəbrayıl rayon prokurorluğunda araşdırma aparılır.
***
Saat 16:59
Cəbrayılda “Azərsun Holdinq" MMC-nin maşını minaya düşüb, sürücü xəsarət alıb.
Bu barədə 1news.az-a ANAMA-dan məlumat verilib.
Bildiirlib ki, 2022-ci il 14 iyul tarixində Cəbrayıl rayonunun Dağtumas kəndi ərazisində minalardan təmizlənməmiş ərazidə mina hadisəsi baş verib.
“Azərsun Holdinq" MMC şirkətinə məxsus yükdaşıma nəqliyyat vasitəsi TM 62 P tank əleyhinə minaya düşüb. Partlayış nəticəsində xəsarət alan sürücü - 1996-cı il təvəllüdlü İmişli rayon sakini Məmmədov Şamil Fərahim oğlu rayon xəstəxanasına çatdırılıb.
ANAMA bir daha vətəndaşlarımıza müraciət edərək təhlükəli və şübhəli ərazilərə daxil olmamağa, rastlaşdıqları naməlum əşyalara toxunmamağa çağırır.
Həmçinin oxuyun: Azad olunmuş ərazilərdə daha bir nəfər minaya düşdü - Türkiyə vətəndaşıdır - RƏSMİ
