Arzu Nağıyev: “Ermənilər bilməlidir ki, Azərbaycanın daxili və xarici siyasəti dönməzdir”
Ermənistan-Azərbaycan Qarabağ münaqişəsi XX yüzilliyin tarixinə ən faciəli münaqişələrdən biri kimi daxil olub, onun nəticələri milyonlarla insanın taleyinə ciddi təsir göstərib.
Sözügedən münaqişə hələ də davam edir. Son zamanlar Laçın yolunda baş verən hadisələr dünya mediasında müzakirələrə səbəb olub.
Məsələ ilə bağlı 1news.az-a Millət Vəkili Arzu Nağıyev danışıb. deputatın sözlərinə görə, Ermənistanın konkret məqsədi delimitasiya və demarkasiya məsələlərinə getməməkdir.
"Ermənistanın məqsədi sülh müqaviləsinin imzalanmasını uzatmaq və ləngitməkdir. Bütün bunlara baxmayaraq onlar çalışırlar ki, absurd məlumatlar yaymaqla dünya ictimayətini çaşdırsınlar. Çünki BMT-nin Təhlükəsizlik Şurasında onlar fiaskoya uğradı, hər hansısa bir qərar-qətnamə qəbul etdirə bilmədilər, bundan sonra humanitar yardım şousuna əl atdılar. Fransa və digər bəzi havadarlar guya ki, Ermənistana dəstək üçün müxtəlif addımlar atdılar. Rusiyaya qarşı sərt bəyanatlar səsləndirdilər.
Deputat deyib ki, Qarabağ ərazisində 3 kateqoriyalı ermənilər yaşayır.
"Birinci kateqoriya ermənilər Azərbaycan Konsitutiyasına və qanunlarına uyğun yaşamaq istəyən ermənilər, ikinci kateqoriyadan olan ermənilər II Qarabağ Müharibəsi zamanı müxtəlif dövlətlərdən Qarabağ ərazisinə köçürülən ermənilərdir. Onlar hansı ki, müəyyən qanunsuz dəstələrə üzv olub Azərbaycan əleyhinə addımlar atırlar. Üçüncü kateqoriya isə seperatçı qüvvələr və cinayətkarlardır. Ermənilərin tək məqsədi öz havadarları tərəfindən dəstək almaqdır. Ermənilər bilməlidir ki, Azərbaycanın daxili və xarici siyasəti dönməzdir. Qarabağ isə Azərbaycanın ərazisidir. Ermənistan və Azərbaycan arasında danışıqlar davam etdirilməlidir. Ermənilər başa düşməlidir ki, artıq bu limit bitib. Sonu anti-terror əməliyyatları ilə nəticələnə bilər. Sadəcə olaraq humanist addım ataraq biz bunu sona saxlayırıq".
