Yanğına görə Respublika Perinatal Mərkəzindən təxliyə olunmuş körpələrin vəziyyəti açıqlandı
Respublika Perinatal Mərkəzində baş vermiş yanğın nəticəsində TƏBİB-in tabeliyindəki digər tibb müəssisələrinə hospitalizasiya olunan yenidoğulmuşların, hamilə qadın və zahı anaların zəruri müayinə və müalicələri intensiv şəkildə klinik protokollara uyğun olaraq davam etdirilir.
1news.az xəbər verir ki, bu barədə TƏBİB-in mətbuat xidmətindən məlumat verilib..
Bildirilib kli, Hər birinin vəziyyəti, müalicə və müayinəsi TƏBİB rəhbərliyinin, eləcə də tabeli tibb müəssisələrinin aparıcı mütəxəssislərinin nəzarətindədir.
Respublika Perinatal Mərkəzindən digər tibb müəssisələrinə hospitalizasiya olunmuş yenidoğulmuşlardan ümumilikdə 8-i bu gün tam sağlam şəkildə evə yazılıb.
Hazırda müalicəsi davam etdirilən 50 uşaqdan 38-nin vəziyyəti stabil, 6-nın vəziyyəti orta ağır, digər 6-nın vəziyyəti isə qənaətbəxşdir.
Uşaqların müalicəsi Yeni Klinika, Kliniki Tibbi Mərkəz, Kliniki Tibbi Mərkəzin nəzdindəki Ə.Qarayev adına 2 saylı Uşaq Xəstəxanası, Sumqayıt Tibb Mərkəzinin nəzdindəki Perinatal Mərkəz, Respublika Klinik Xəstəxanası, Sabunçu Tibb Mərkəzi və Xətai Tibb Mərkəzində davam etdirilir.
Uşaqlardan 2-si (əkizlər) valideynlərinin istəyilə K.Y.Fərəcova adına Elmi-Tədqiqat Pediatriya İnstitutuna köçürülüb.
Qeyd edək ki, TƏBİB-in aidiyyəti struktur bölmələrinin koordinasiyası ilə Respublika Perinatal Mərkəzinin müalicə həkimləri və mütəxəssisləri də təxliyə olunanların müalicə aldığı tibb müəssisələrinin həkimləri ilə birgə çalışırlar.
Həmçinin oxuyun: Yanğına görə Respublika Perinatal Mərkəzindən təxliyə olunmuş körpələrin vəziyyəti açıqlandı
Rəsmilər Respublika Perinatal Mərkəzinə getdilər - FOTO
“Günahkarlar ciddi şəkildə cəzalandırılacaq” - Anar Ələkbərov
Yanğına görə KTM-ə təxliyə olunan 6 körpənin vəziyyəti ağırdır
Baş prokuror yanğının ilkin başvermə səbəblərindən danışdı: “Araşdırmaq üçün bir qədər vaxt lazımdır”
Yanğında 4 uşaq ölüb, cinayət işi başlanıb - Birgə məlumat
Bakı şəhər prokuroru yanğınla bağlı Perinatal Mərkəzdədir
TƏBİB: Perinatal Mərkəzdəki yanğında 50-yə qədər şəxs təxliyə olunub, tüstüdən zəhərlənən var - FOTO
