Şəhərin bir addımlığında palçıqdan xilas ola bilməyənlər - Badamdarda yollar nə zaman asfaltlacaq? - AÇIQLAMA
Avqust ayının 15-də Badamdar qəsəbəsi, 3-cü yaşayış massivi, 51-ci küçədə kanalizasiya və su probleminin həll olunmadığı ilə bağlı material dərc etmişdik.
Həmin tarixdə "Azərsu" ASC-dən bildirilmişdi ki, qeyd olunan ünvanda işlər sentyabr ayının əvvəllərində başlayacaq.
Küçədə kanalizasiya və su problemi həll olsa da yollar bərbad vəziyyətə qalıb. Sakinlər bildirir ki, yolun bərbad vəziyyətinə görə piyada hərəkət etmək çətinləşir. Kimin maşını varsa, onlar ən azından ayaqları palçıq olmadan gedə bilirlər. Belə yolla məktəbə gedən şagirdlər də çətinlik çəkir, bəzən dərslərə gecikirlər, geyimləri kirlənir. Dəfələrlə müraciət edilməsinə baxmayaraq, hələ də yollar asfaltlanmayıb.
Məsələ ilə bağlı “Azərsu” ASC-dən 1news.az-a bildiririlib ki, həmin ərazidə podratçılar işləyiblər:
“Asfalt çəkmək üçün havanın normallaşmasını gözləyirlər. İş keyfiyyətli olsun deyə yer qurumalıdır. İndi asfalt çəkmək mümkün deyil. Yalnız torpaq quruduqdan sonra asfalt çəkilə bilər. Havalar imkan versə, gələn həftədən asfalt çəkilişinə başlanacaq”.
Həmçinin oxuyun: Paralel küçələrə kanalizasiya və su çəkilsə də, 51-ci küçə qaldı - “Azərsu” Badamdar sakinlərinə cavab verdi - FOTO - VİDEO
