Qarabağ Dirçəliş Fondu Qarabağda ətraf mühitə verdiyi töhfəyə görə təltif edildi | 1news.az | Xəbərlər
Cəmiyyət

Qarabağ Dirçəliş Fondu Qarabağda ətraf mühitə verdiyi töhfəyə görə təltif edildi

15:58 - 09 / 02 / 2024
Qarabağ Dirçəliş Fondu Qarabağda ətraf mühitə verdiyi töhfəyə görə təltif edildi

Ekologiya və Təbii Sərvətlər Nazirliyi ətraf mühitə töhfə verən müxtəlif təşkilat, şirkət və QHT-ləri təltif edib.

1news.az xəbər verir ki, 2023-cü il ərzində təbiətin mühafizəsi və ətraf mühitin qorunmasına yönələn təşəbbüslərə qoşularaq ətraf mühitin sağlamlaşdırılmasına, biomüxtəlifliyin və ekosistemin bərpasına önəm verən, bu istiqamətdə layihələr həyata keçirən, eyni zamanda ekoloji maarifləndirmə sahəsində təşəbbüskarlıq göstərən sahibkarlıq subyektləri, təşkilatlar və qeyri-hökumət təşkilatları Ekologiya və Təbii Sərvətlər Nazirliyi tərəfindən “2023-cü ilin ən yaxşı tərəfdaşı” seçilib və onlara stimullaşdırıcı nominasiyalar təqdim olunub.

Tədbirdə “Bioloji müxtəlifliyin qorunması layihələrində ən yaxşı tərəfdaş”, “Korporativ sosial məsuliyyət çərçivəsində ətraf mühit layihələrinə dəstək olan ən yaxşı tərəfdaş”, “Qarabağ və Şərqi Zəngəzur iqtisadi rayonlarında ekosistemin bərpasına verdiyi dəstəyə görə ən yaxşı tərəfdaş”, ““Yaşıl gələcək” platforması çərçivəsində keçirilən ağacəkmə aksiyalarında ən yaxşı tərəfdaş” və “Ekoloji maarifləndirmə sahəsində təşəbbüskarlıq və dəstəyə görə ən yaxşı tərəfdaş” nominasiyaları üzrə müxtəlif təşkilatlar, şirkətlər və QHT-lər təltif edilib.

Qeyd olunmalıdır ki, Qarabağ Dirçəliş Fondu da işğaldan azad olunan ərazilərdə ekoloji tarazlığın bərpası istiqamətində görülən işlərə verdiyi töhfəyə görə “Qarabağ və Şərqi Zəngəzur iqtisadi rayonlarında ekosistemin bərpasına verdiyi dəstəyə görə ən yaxşı tərəfdaş” nominasiyasında xüsusi mükafata layiq görülüb.

Məlumat üçün bildirək ki, Qarabağ Dirçəliş Fondunun prioritet istiqamətlərindən biri də işğaldan azad edilmiş ərazilərdə ekoloji tarazlığın bərpa olunmasıdır. Qarabağda aparılan genişmiqyaslı quruculuq işləri ilə yanaşı, həmin ərazilərdə ekoloji tarazlığın bərpası istiqamətində də ciddi addımlar atılır.

Xatırladaq ki, Qarabağ Dirçəliş Fondu ilə Ekologiya və Təbii Sərvətlər Nazirliyi arasında imzalanan Anlaşma Memorandumuna uyğun olaraq Zəngilan şəhərinin girişində, 30 hektar ərazidə donorların dəstəyi ilə yerli iqlim şəraitinə uyğun 30 min ağacın əkilməsi həyata keçirilib.

Hazırda QDF-in sifarişi və maliyyə dəstəyi ilə Füzuli şəhərinin yeni Baş plan layihəsinə əsasən, orada məskunlaşacaq əhalinin kütləvi istirahətinə olan tələbatını nəzərə alaraq 22,47 hektar ərazidə Mərkəzi Parkın salınması ilə bağlı işlər davam edir. Park kompleksi şəhər sakinlərinin asudə vaxtlarının səmərəli keçirilməsinə imkan yaradan məkana çevrilməklə yanaşı, sağlam və təbii ekoloji mühitin yaranmasına və qorunub saxlanmasına da şərait yaradacaq.

Nəzərinizə çatdıraq ki, Qarabağ Dirçəliş Fondunun maliyyə dəstəyi ilə bundan sonra da işğaldan azad edilmiş ərazilərimizdə ekoloji tarazlığın bərpası və yaşıllaşdırma layihələri həyata keçiriləcək.

Ölkəmizdə ətraf mühitin qorunması, o cümlədən ekoloji tarazlığın bərpası dövlət başçısının da diqqət mərkəzindədir. Prezident İlham Əliyevin sərəncamları ilə ətraf mühitin qorunması ilə bağlı müxtəlif dövlət proqramları qəbul olunub və bu proqramlara uyğun olaraq respublikanın bütün şəhərlərində, qəsəbələrində, kəndlərində yeni parklar, yaşıllıq sahələri yaradılır, magistral yolların kənarlarında meşə massivləri salınır. O cümlədən Doğma Qarabağımızın müxtəlif ərazilərində ekoloji tarazlığın bərpası ilə bağlı müxtəlif tədbirlər həyata keçirilir.

Paylaş:
166

Son xəbərlər

Kamaləddin Qafarov: “Zərifə xanım Əliyevanın həyatı gözəl bir örnəkdir”Bu gün, 11:00Bakıda evdə köməksiz vəziyyətdə qalan azyaşlı xilas edilib13 / 04 / 2024, 17:42Tennis üzrə Azərbaycan birinciliyi başa çatıb13 / 04 / 2024, 17:00“Maşın bazarı”nda baş verən yanğında 4 mağaza yanıb - FOTO - YENİLƏNİB 213 / 04 / 2024, 16:33Gürcüstandan Azərbaycana pul köçürmələri 30% artıb13 / 04 / 2024, 16:12Şəmkir su anbarındakı torlar yığışdırıldı13 / 04 / 2024, 15:59Kürdə batan altı yaşlı uşaq və atasının axtarışları davam edir13 / 04 / 2024, 15:41İran israilli iş adamının gəmisini ələ keçirib13 / 04 / 2024, 15:14Ceyhun Bayramov Misirin YUNESKO-nun baş direktoru vəzifəsinə namizədi ilə görüşüb13 / 04 / 2024, 14:37Bakıda bağlı qapı arxasında köməksiz qalmış 3 və 5 yaşlı uşaqlar xilas edilib13 / 04 / 2024, 14:10Bu ilin ilk 3 ayında DSMF-nin xərcləri açıqlanıb13 / 04 / 2024, 13:54AYNA: “İcazə” blanklarının mübadilə və qalıq sayını açıqlayıb13 / 04 / 2024, 13:10Ötən il Azərbaycana gələn 2 milyona yaxın turist buradakı evində gecələyib13 / 04 / 2024, 12:53Sabah 25 dərəcə isti olacaq - Proqnoz13 / 04 / 2024, 12:26Azərbaycan neftinin qiyməti 95 dollara yaxınlaşıb13 / 04 / 2024, 11:47MN: Hərbçilər Vətəni istənilən təhdid və təhlükələrdən qorumaq əzmi nümayiş etdirir13 / 04 / 2024, 11:33Bakıda kafedən içində pul olan çanta oğurlanıb13 / 04 / 2024, 11:04Milli Müdafiə Universitetinin Hərbi Kollecinə tələbə qəbulu davam edir - Təqaüdlə təhsil imkanı13 / 04 / 2024, 10:40DİN: Cinayət törətməkdə şübhəli bilinən 31 nəfər saxlanılıb13 / 04 / 2024, 10:33Xankəndi şəhərində xeyli silah-sursat tapılıb13 / 04 / 2024, 10:09
Bütün xəbərlər