Türkiyə XİN: Bizim xarici siyasətimiz dövlətimizin və millətimizin maraqlarına əsaslanır | 1news.az | Xəbərlər
Dünya

Türkiyə XİN: Bizim xarici siyasətimiz dövlətimizin və millətimizin maraqlarına əsaslanır

Qafar Ağayev09:19 - 03 / 07 / 2024
Türkiyə XİN: Bizim xarici siyasətimiz dövlətimizin və millətimizin maraqlarına əsaslanır

Türkiyə Xarici İşlər Nazirliyi Türkiyənin Yaxın Şərq və Suriya siyasətiylə əlaqədar ortaya atılan İddialarla bağlı bəyanat yayıb.

1news.az bəyanatı təqdim edir:

“Bizim xarici siyasətimiz dövlətimizin və millətimizin maraqlarına əsaslanır. Türkiyə bu anlayışa əsaslanaraq, güclü tarixi və mədəni bağlara malik olduğu Yaxın Şərqdə sülh, sabitlik və rifahı bərqərar etməyi hədəfləyir. Beynəlxalq hüquq, bəşəri dəyərlər və qlobal ədalətə nail olmaq bu siyasətin qurulmasında əsas prinsiplərimizdir.

Türkiyə Suriyada vətəndaş iğtişaşları nəticəsində baş verən humanitar faciəyə qarşı ilk gündən prinsipial mövqe nümayiş etdirir. Xarici siyasətini milli maraqlarına uyğun yeniləyən ölkəmiz milli təhlükəsizliyimizə təhdidlərə qarşı lazımi tədbirləri görməkdən çəkinmir.

Demokratik ölkələrdə konstruktiv tənqidlə xarici siyasətə töhfə vermək təbii ki, mümkündür. Lakin siyasi qazanc naminə faktların təhrif edilməsi, ideoloji təəssübkeşliyə əsaslanan ittihamlar bu kontekstdə dəyərləndirilə bilməz.

Bizim Yaxın Şərq və Suriya siyasətimizlə bağlı irəli sürülən iddialar heç bir analitik keyfiyyət daşımır və hətta təməl tarixi bilgidən belə məhrumdur.

Türkiyə illərdir bilərəkdən od halqasına çevrilmiş bir coğrafiyada sülh və sabitlik adasına çevrilməyi bacarıb. Ölkəmiz nəinki regionda gedən müharibələrdən kənarda qalıb, xalqımızın əmin-amanlığını və təhlükəsizliyini möhkəmləndirib, rifahını artırıb. Bu prosesdə müdafiə qabiliyyətini də inkişaf etdirən ölkəmiz öz coğrafiyasında uğursuzluğa düçar olsa da, terrorla sərhədlərindən kənarda da mübarizə apara bilib.

Bütün bu faktlara məhəl qoymayan, sırf siyasi maraqlar naminə əsassız ittihamlar irəli sürənlərin regionumuza nüfuz etməyə çalışan hakim güclərin vəkillərinə çevrildiklərini də nəzərdən qaçırmaq olmaz.

Biz xarici siyasətdə dövlətimizin və millətimizin mənafeyinə uyğun addımlarımızı bundan sonra da atacağıq.

Paylaş:
446

Son xəbərlər

Bu ilin I yarısında dövlət qeydiyyatından keçən xarici investisiyalı müəssisələrin sayı açıqlanıb15 / 07 / 2024, 17:45Dünya Bankının Cənubi Qafqaz üzrə regional direktoru ilə görüş keçirilib15 / 07 / 2024, 17:31Azərbaycan və Çin dəmir yolları Orta Dəhlizin inkişafı üçün əməkdaşlığı genişləndirir15 / 07 / 2024, 17:29Qarabağ Universitetində İngilis dili müəllimi vəzifəsi üzrə vakansiyaya müraciət müddəti uzadılıb15 / 07 / 2024, 17:24Həftəsonu Müdafiə Nazirliyinin hərbi liseylərinə qəbul imtahanı keçiriləcək15 / 07 / 2024, 17:23Bakıdakı bağçalarda tərbiyəçi-müəllim vakansiyası üzrə qeydiyyata start verilir15 / 07 / 2024, 17:04BMTİP və Azərbaycan COP29-dan öncə iqlimlə bağlı fəaliyyətlərin artırılmasının zəruriliyini qeyd edir - FOTO15 / 07 / 2024, 16:58Əli Əsədov Dünya Bankının Cənubi Qafqaz üzrə regional direktoru ilə görüşüb15 / 07 / 2024, 16:48Kapital Bank-la digər banklardakı kreditlərinizi sərfəli şərtlərlə ödəyin15 / 07 / 2024, 16:41"Yeni Klinika”ya qaraciyər və böyrək köçürülməsi icazəsi verilib15 / 07 / 2024, 16:31İTV Avro-2024-ə görə tamaşaçılardan üzr istədi15 / 07 / 2024, 16:24Daha 149 kirayə mənzil satışa çıxarılıb15 / 07 / 2024, 16:05Azad olunmuş ərazilərdə ötən həftə aşkarlanmış minaların sayı açıqlandı15 / 07 / 2024, 15:42Azərbaycana turist axını artıb - RƏQƏMLƏR15 / 07 / 2024, 15:31Xalq Bank 2024-cü ilin II rübünün yekunlarını açıqladı15 / 07 / 2024, 15:19Köməyə çağırış: 12 yaşlı Hüseynin sizin dəstəyinizə ehtiyacı var - FOTO15 / 07 / 2024, 15:12Alkoqollu içkilərin idxalı və istehsalı sahəsində yeni şərtlər müəyyənləşdirilib15 / 07 / 2024, 15:05DİM: İmtahan iştirakçısı mobil telefonunu ayaqqabısının altında gizlətməyə cəhd göstərib - FOTO15 / 07 / 2024, 14:30Abşeronda narkokuryerdə 3 kq narkotik aşkarlanıb15 / 07 / 2024, 14:17Bu gün Xalq rəssamı Cəlal Qaryağdının doğum günüdür15 / 07 / 2024, 14:05
Bütün xəbərlər