Metronun Gənclik stansiyasında tavandan niyə su damcılayır – AÇIQLAMA
Ötən gün axşam saatlarında şəhər metrosunun Gənclik stansiyasında sərnişinlər xoşagəlməz mənzərə ilə qarşılaşıblar.
Redaksiyamıza daxil olan müraciətə əsasən, stansiyanın platformasına girişdə tavandan su damcıldaması həm sərnişinlərin narahatlığına, həm də təhlükəsizliklə bağlı sualların yaranmasına səbəb olub.
Bəs görəsən tavandan su hansı səbəbdən damcılayır? Bu ciddi fəsada səbəb ola bilərmi?
Məsələ ilə bağlı 1news.az-ın suallarını cavablayan "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib ki, Gənclik metrostansiyasında tavandan su damcılması qarlı hava şəraitinin təsirlərinin izidir.
“Məsələ ilk gündən nəzarət altına alınıb. Müvafiq qaydada araşdırılması aparılıb. İstər sərnişinlərin təhlükəsizliyi, istərsə də Bakı Metropoliteninin infrastrukturunun sağlam vəziyyətdə saxlanılması və təhlükəsizliyi baxımından hərhansı fəsadın olması qeyri-mümkündür. Bununla belə, məsələ ciddi nəzarət altında saxlanılır.
