“Holcim Azerbaijan” sement sənayesində gender bərabərliyi sahəsində liderliyini BMT-nin proqramına qoşulmaqla təsdiqlədi
“Holcim Azerbaijan” 2024-cü ildə BMT-nin Qadınların Səlahiyyətləndirilməsi Prinsipləri proqramı çərçivəsində 63% nəticə əldə edərək, müxtəliflik və inklüzivlik sahəsində sənaye lideri statusunu bir daha təsdiqlədi.
Holcim-in qlobal strategiyası gender bərabərliyinin təşviqinə və inklüziv iş mühitinin yaradılmasına sadiqliyi əhatə edir. Ənənəvi olaraq kişi sahəsi və fiziki baxımdan ağır hesab edilən sement sənayesində Holcim göstərir ki, qadınlar da bu sahədə uğurlu karyera qura və inkişaf edə bilərlər.
2022-ci ilin avqust ayından etibarən “Holcim”, qadınlar üçün bərabər imkanların yaradılmasına yönəlmiş beynəlxalq standartlara əsaslanaraq, BMT-nin Qadınların Səlahiyyətləndirilməsi Prinsiplərinə qoşulmaqla gender balansının yaxşılaşdırılması istiqamətində fəal şəkildə çalışır. Bu öhdəliyin bir hissəsi olaraq, şirkət qadınlar üçün iş şəraiti və karyera imkanlarını qiymətləndirmək məqsədilə daxili qiymətləndirmə həyata keçirmişdir. 2022-ci ildə keçirilən ilk Gender Bərabərliyin təhlili 35%-lik nəticə göstərmiş və təkmilləşdirilməli olan əsas sahələri müəyyən etmişdir.
Real dəyişikliklərə nail olmaq niyyəti ilə Holcim yeni siyasətlərin tətbiqini, qadınlar üçün karyera inkişaf proqramlarının gücləndirilməsini və bütün səviyyələrdə bərabər imkanların təmin olunmasını nəzərdə tutan strateji təşəbbüsə start verdi.
“Bizim üçün həm qadınlar, həm də kişilər üçün əlverişli iş şəraiti və komfortlu mühit yaratmaq, bütün əməkdaşlar üçün peşəkar inkişaf və irəliləyiş imkanlarını təmin etmək vacibdir. Məqsədimiz bərabər karyera imkanları təqdim edən, əməkdaş təşəbbüslərini dəstəkləyən və dayanıqlı korporativ inkişaf həlləri tətbiq edən seçim işəgötürən olmaqdır. Biz gender bərabərliyi və inklüzivlik prinsiplərini gücləndirərək hər bir əməkdaşın öz potensialını tam şəkildə reallaşdıra biləcəyi bir şirkət olmaq üçün irəliləməyə davam edəcəyik”, – deyə “Holcim Azerbaijan”-ın baş direktoru Serjiu Stoykov bildirib.
Holcim komandasına qoşul! Vakansiyalarımızı sosial şəbəkələrdə izləyin.
Reklam hüququnda
