1news.az

ABŞ polisinin növbəti qəddarlığı: qoca kişini yıxıb keçdi – VİDEO

5 İyun saat 11:00 ~ 1 dəqiqəlik oxu 5520
ABŞ polisinin növbəti qəddarlığı: qoca kişini yıxıb keçdi – VİDEO

ABŞ-ın Nyu-York ştatının Buffalo şəhərində polisin 75 yaşlı kişini yerə yıxması nəticəsində onun başı yarılıb.

1news.az-ın life.ru-ya istinadla verdiyi xəbərə görə, hadisə Corc Floydun ölümünə etiraz olaraq keçirilən aksiyada baş verib.

Videoda bir polisin əli, digərinin isə dəyənəyi ilə onlara doğru gələn yaşlı kişini yıxdıqları əks olunub. Qoca yerə yıxılandan sonra onun başından qan axmağa başlayır. Kişinin ciddi xəsarət almasına baxmayaraq, polis zabitləri ona, demək olar ki, fikir verməyərək yanından keçib gedirlər. Videoda həmçinin bir polisin həkimləri çağırdığı görüntülənib.

Bildirilib ki, videodakı ağdərili yaşlı kişinin kimliyi bəlli deyil.

Xatırladaq ki, ABŞ-da iki həftədir ki, polis tərəfindən saxlanılarkən afroamerikalı Corc Floydun ölümü səbəbindən etirazlar səngimək bilmir. Əvvəlcə Minneapolis, sonra Vaşinqton və Nyu York da daxil olmaqla ölkənin digər şəhərlərinə aksiyalar geniş yayıldı, polislə qarşıdurmalara və talanlara çevrildi. Polis vəhşiliyinə qarşı hərəkətlər ölkənin hüdudlarından kənarda da baş verdi: Vyana, London, Afina və digər şəhərlərdə. Meksikada etirazçılar bir polisə, həmçinin iki patrul avtomobilinə atəş açıblar.

Məlumata görə, insidentə səbəb olan 2 polis əməkdaşı işindən uzaqlaşdırılıb.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net