1news.az

Türkiyədə koronavirusdan ölənlərin sayı durmadan artır: 812 nəfər

8 Aprel saat 22:12 ~ 1 dəqiqəlik oxu 321
Türkiyədə koronavirusdan ölənlərin sayı durmadan artır: 812 nəfər

Yeni növ koronavirus (COVID-19) Türkiyədə daha 87 nəfərin həyatına son qoyub. Bununla da dünyasını dəyişənlərin ümumi sayı 812 nəfərə çatıb.

Türkiyə Səhiyyə Nazirliyinə istinadla xəbər verir ki, aprelin 8-də ölkə üzrə 24 min 900 nəfər xüsusi tibbi yoxlamadan keçirilib. Onlardan 4117 nəfərində infeksiya aşkarlanıb. İndiyədək testdən keçirilənlərin sayı 247 min 768 nəfərə çatıb. Onlardan 38 min 226 nəfəri müalicəyə cəlb olunub. Hazırda 1492 nəfər reanimasiyadadır. İndiyə qədər 1846 nəfərin müalicəsi uğurlu olub. Bu gün 264 nəfər tam sağalaraq xəstəxanaları tərk edib.

Türkiyədə hər gün sağalan xəstələrin ümumi sayı vəfat edənlərdən təxminən 3 dəfə çoxdur. Ölkədə koronavirusdan ilk ölüm halı martın 17-da qeydə alınıb. Həmin tarixdən bu günə qədər yoluxma və ölüm hallarında azalma yoxdur.

AZƏRTAC

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net