Medvedev: “Ümid edirik ki, Qarabağda əldə olunan atəşkəs davamlı olacaq”

Rusiya baş naziri Dmitri Medvedev bəyan edib ki, Rusiya gələcəkdə də Dağlıq Qarabağda vəziyyətin tənzimlənməsi sahəsəində əlindən gələni edəcək.

“Ümid edirəm ki, hazırda əldə olunan atəşkəs razılığı davamlı olar və tərəflər danışıqlar stolu arxasında oturub məsələnin tənzimlənməsinə davam edərlər. Mən özüm bir zamanlar buna çox səy göstərmişəm. İstərdim ki, bütün bə cəhdlər boşuna getməsin və itməsin”,- deyə Medvedev Bakıda Azərbaycan prezidenti İlham Əliyevlə görüşündə bildirib.

“Hər halda şübhə etməyin ki, Rusiya Feredasiyası bunun üçün əlindən gələni edəcək”,-Medvedev deyib.

TASS-ın qeyd etdiyi kimi, Bakı  və Moskva arasında strateji əməkdaşlıq əlaqələri inkişaf edir. Bizim ölkələrimiz arasında iqtisadiyyat, humanitar sahədə və bir sıra siyasi məsələlərdə layihələrimiz var”.

“Aydındır ki, bugünki səfər həmin məqsədlər üçün maksimum istifadə oluna bilər. Əlbəttə indi mürəkkəb zamandır, Azərbaycan və Ermənistan arasındakı münaqişə kəskinləşib. Nə gizlədim bu vəziyyət bizi çox narahat edir”,- Medvedev bildirib.

Qeyd edək ki, cümə günü Rusiyanın baş naziri Bakıya gəlib. Bu səfər əvvəldən planlaşdırılmayıb. Onun səfəri Dağlıq Qarabağda vəziyyətin gərginləşməsi ilə əlaqədardır. Medvedev daha əvvəl Ermənistana səfər edərək  prezident Serj Sarkisyan və baş nazir Ovik Abramyanla danışıqlar aparıb.

Xatırladaq ki, 2-5 aprel tarixlərində atəşkəs əldə olunandan 22  il sonra Azərbaycan və Ermənistan hərbi qüvvələrinin təmas xəttində genişmiqyaslı hərbi əməliyyatlar baş verib. Azərbaycan hərbu qüvvələri Ermənisran silahlı qüvv ələrinin birinci müdafiə xəttini qıraraq bir neçə yaşayış məntəqəsi və strateji yüksəklik üzərində nəzarəti ələ keçirib.

5 aprel tarixində tərəflər arasında atəşin ikitərəfli dayandırılması haqqında razılıq əldə olunub.

1news.az