Milli Məclisdə zənglərə cavab verməyən məmurlar tənqid olunub
“Müxtəlif səviyyəli məmurların və parlamentarilərin işinin konsolidasiyası iqtisadi böhranın ölkəyə neqativ təsirini azalda bilər”, - deyə, Milli Məclisin deputatı Fəzail İbrahimli bildirib.
MM-in Regional məsələlər üzrə komitəsinin iclasında çıxış edərkən bildirib ki, deputatlar və məmurları böhrana qarşı mübarizə aparmaq üçün səyləri biləşdirmək gərəkdiyini bildirib.
Bununla yanaşı F.İbrahimli müxtəlif müəssisə işçilərinin kütləvi şəkildə işdən çıxarılması məsələsinə də diqqət diqqət çəkib.
“ Struktur dəyişikliklə bağlı addımların yanlış anlaşılması işçilərin kütləvi şəkildə vəzifədən uzaqlaşdırılmasına gətirdi. Bu çox təhlükəli tendensiyadır”, - bildirən deputat Prezident İlham Əliyevin sonuncu çıxışlarının əhəmiyyətini vurğuladı.
“İndi ölkə öz inkişafının mürəkkəb zamanını yaşayır. Bu vəziyyət kimin hansı dəyərə malik olduğunu göstərir”, - F. İbrahimli söyləyib.
Bununla yanaşı o ölkədəki vəziyyətə müsbət təsir edəcək qüvvələrin varlığını bildirib. “Söhbət ilk növbədə sahibkarlardan və məmurlardan gedir. Onların üzərinə böyük məsuliyyət düşür. Məhz onlar dövlət başçısı ətrafında daha möhkəm birləşməlidirlər”.
Deputat qeyd edib ki, şəxsən özü 40 min seçicinin maraqlarını təmsil edir. Onlardan ən azı 40 nəfəri hər ay ona müraciət edir. “Onların problemlərini həll etmək üçün müxtəlif instansiyalara müraciət etmək lazım olur”.
Bunun üçün məmurlar elementar olaraq telefon zənglərinə cavab verməlidir. İş telefonuna olan hörməti geri qaytarmaq lazımdır ki məsələlər mobil telefon vasitəsilə həll olunmasın”, -deputat deyib.
F.İbrahimli bildirib ki, çox vaxt hansısa məmurun iş telefonuna zəng etdikdə dəstəyi katibə qaldırır. Axı bu konkret şəxsin adına qeyd olunan dövlət nömrəsidir. Niyə bəs özünüz zənglərə cavab vermirsiniz?”-deyə, deputat hiddətləndi.
Elə hallar olurdu ki, ayrı-ayrı məmurlara aylarla zəng etmək mümkün olmurdu.
“İş üslubunu dəyişmək vacibdir. Zənglərə bilavasitə adresatın özü cavab verməlidir. Bunu mənə də millət vəkili kimi seçicilərlə bağlı məsələləri həll etməyə kömək edər”,- deyə, F.İbrahimli əlavə edib.
1news.az
