Azərbaycan Gənclər Fondu reallaşdırılmış layihələr haqqında informasiya təqdim edib
Bu gün Azərbaycanın Gənclər Fondu 2015-ci ildə keçirdiyi iş və Gənclər günü ilə əlaqədar hesabat iclası keçirir.
1news.az xəbər verir ki, Tədbirdə çıxış edən Fondun icraçı direktoru Fərhad Hacıyev qeyd edib ki, dövlət başçısı İlham Əliyevin dəstəyi ilə gənclər sferasında uğurlar əldə olunub.
“Azərbaycanda gənclərə yardım inkişaf etmiş ölkələr səviyyəsindədir”,- o deyib.
Tədbirdə çıxış edən Fondun aparatının rəhbəri Faiq Qürbətov qeyd edib ki, Fond 4 il müddətində 7 qrant müsabiqəsi keçirib.
“Bu müddət ərzində Fond 2333 layihəni dəstəkləyib”, - deyən F.Qürbətov bildirib ki, Fond gənclərin müxtəlif layihələrini dəstəkləməyə davam edəcək.
O, qeyd edib ki, 2015-ci ildə Fondda 2 qrand müsabiqəsi keçirilib.
“Layihələr Azərbaycanın müxtəlif bölgələrində baş tutub. 2015-ci ildə 306 nəfər Gənclər Fondunun layihələri çərçivəsində əməkhaqqı alıb”,- o, qeyd edib.
F.Qürbətov bildirib ki, QHT nümayəngələri üçün müxtəlif seminarlar təşkil olunub.
“Bakıda “Xocalıya ədalət” layihəsi çərçivəsində yürüş keçirilib və Euronews telekanalında göstərilib”- o, deyib.
2 fevralda Azərbaycanda Gənclər günü qeyd olunur. Azərbaycanda bu günü qeyd etmək ənənəsinin əsası ilk dəfə 1996-cı il 2 fevral tarixində keçirilən 1-ci Gənclər Forumu ilə qoyulub. Həmin forumda respublikanın bütün bölgələrindən gələn gənclər iştirak edib.
Forum bütün dövlət orqanları, gənclər təşkilatları, gənc insanlar qarşısında duran vəzifələri müəyyən etdi.
Müvafiq qurumların qarşısında duran əsas vəzifə gənclərin inkişafına yönələn tədbirlərin keçirilməsi, gənclərin problemlərinin qısa və effektiv şəkildə aradan qaldırmağa köməklik göstərmək oldu.
I Gənclər Forumu Azərbaycanda gənclərlə işin canlanmasına gətirib çıxardı. 1997-ci ildə Prezident Heydər Əliyev forumun keçirildiyi 2 fevral tarixinin Gənclər günü kimi qeyd olunması haqqında fərman imzaladı.
Həmin gündən etibarən MDB və Şərqi Avropa ölkələrindən fərqli olaraq ilk dəfə Azərbaycanda Gənclər günü qeyd olunmağa başladı.
Xatırladaq ki, Beynəlxalq Gənclər günü (International Youth Day) BMT Baş Assambleyası tərəfindən 17 dekabr 1999-ciu ildə müəyyən olunub.
1news.az
