Xəzər dənizində tapılmış kişi meyitinin itən neftçilərdən biri olduğu məlum olub

Febralın 21-də Xəzər dənizinin Neftçala ərazisində aşkar edilmiş cəsədin DNT analizinin nəticələri məlum olub. 

1news.az-ın SOCAR-ın saytına istinadən verdiyi xəbərə görə, ekspertlərin rəyinə əsasən, cəsəd SOCAR-ın Nəqliyyat İdarəsinin əməkdaşı Xudaverdiyev Cavad Xudaverdi oğlunundur. O, dekabrın 4-də təbii fəlakət nəticəsində Neft Daşlarındakı 501 saylı dəniz özülündə baş vermiş qəzada itkin düşən 3 neftçidən biridir.

“Dekabrın 4-də Neft Daşlarındakı 501 saylı və “Günəşli'” yatağındakı 10 saylı dəniz özüllərində baş vermiş qəzalar nəticəsində itkin düşmüş neftçilərin axtarışı davam edir”- deyə, SOCAR-dan bildiriblər.

1news.az