ATV: “Regnum” ATV-ni hədəf seçərək Azərbaycan və Rusiya arasındakı münasibətlərə zərər verməyə çalışır - FOTO
Azərbaycanın ATV telekanalı Rusiyanın “Regnum” informasiya agentliyinin onun ünvanına yazdığı təxribatçı çıxışla əlaqədar bəyanat yayıb.
Qeyd edək ki, bu gün ATV.az saytında yanlışlıqla“Moskvada metro partladıldı - Dağıntılar altında ölən və yaralananlar var” sərlövhəli xəbər yayımlanıb.
1news.az-ın məlumatına görə, həmin xəbərdə qeyd olunur ki, Rusiyanın “Oktyabr meydanı” metrostansiyasında törədilən terror aktı nəticəsində stansiyanın bir hissəsi uçub və nəticədə xeyli sayda insan dağıntılar altında qalıb. Hətta xəbərdə terror aktının Putinin Suriyadakı siyasətindən narazı olan İŞİD tərəfindən törədildiyi də bildirilib.
Sözügedən xəbəri Rusiyanın bəzi xəbər portalları və Ukrayna saytları tirajlamasına baxmayaraq, ermənilərin idarə etdiyi “Regnum” informasiya agentliyi birbaşa ATV-ni hədəfə alıb.
“Баку “взорвал” метро в Москве: кто выдумал и изобразил теракт в России?” adlı yazıda “Regnum” agentliyi baş verənləri ATV-nin Rusiya və onun çoxmillətli xalqına qarşı cinayəti kimi qələmə verməyə çalışıb.
Məqsəd aydındır: Azərbaycan və Rusiyanı qarşı-qarşıya qoymaq, rusiyalılarda Azərbaycana qarşı nifrət hissini gücləndirmək. Həmişə olduğu kimi ermənilər yenə də əllərinə düşən fürsətdən ölkəmizə qarşı ən iyrənc formada istifadə etməyə cəhd göstəriblər.
Qeyd edək ki, ermənipərəst agentliyin ittihamlarına ATV-nin cavabı özünü çox gözlətməyib və sayt rəhbərliyi “Regnum” agentliyinə qarşı bəyanatla çıxış edib. Bəyanatda qeyd olunub ki, “Regnum” agentliyi onun yaydığı xəbəri informasiya mahiyyətindən uzaqlaşdırmağa cəhd edərək, əsl motivini Azərbaycanla Rusiyanın qardaşlıq əlaqələrinə kölgə salmaq niyyətini güdüb.
“Daimi erməni terrorundan əziyyət çəkən xalq kimi bu xəbərin düz olmadığına və dost Rusiya xalqının itkilərlə üzləşmədiyinə görə sevindik. Amma ermənilərin idarə etdiyi “Regnum” agentliyinin əsl niyyətinin elə ATV ilə bağlı yaydığı xəbərdə də görmək mümkündür”- deyə, bəyanatda qeyd olunub.
Qeyd edək ki, bundan əlavə ATV saytı istinad etdiyi xəbərin linkini və digər istinadları skrin olaraq təqdim edib:
Qeyd edək ki, “Regnum”informasiya agentliyi dəfələrlə açıq aşkar şəkildə Azərbaycanın ərazi bütövlüyünə hörmət olunmadığı və Ermənistan-Azərbaycan, Dağlıq Qarabağ münaqişəsinin ermənipərəst mövqedən ifadə olunduğu materiallar dərc edib.
1news.az dəfələrlə öz səhifələrində bu mövzunu işıqlandırıb
Mövzu ilə əlaqədar oxuyun:
Кто и в каких целях выпускает джинна из бутылки?
Сможет ли «Газпром» превратить «дешевый» Regnum в нормальное СМИ?
Армянский РЕГНУМ продолжает развлекать
Осечка армянского агентства РЕГНУМ: армянская армия больше не «самая боеспособная» в мире?
1news.az
