Bakıda məcburi köçkünlərin yaşadığı binada yanğın olub

Bakıda məcburi köçkünlərin yaşadığı binada güclü yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, hadisə bu gecə baş verib.

Belə ki, paytaxtın Binəqədi rayonunda hazırda məcburi köçkünlərinin məskunlaşdığı birmərtəbəli inzibati binanın dam örtüyünün yanar konstruksiyaları 720 kv.m sahədə yanıb.

Binanın qalan hissəsi Yanğından mühafizə olunub. Yanğın zamanı mənzillərdən 30 nəfər sakin yanğınsöndürənlər tərəfindən təxliyyə olunub. Yanğın saat 02:16-da yanğınsöndürənlər tərəfindən söndürülüb.

1news.az