Bayram günlərində baş verən yol qəzalarının statistikası açıqlanıb
Bayram günləri Azərbaycan ərazisində baş verən yol qəzalarında 15 nəfər ölüb, 80 nəfər yaralanıb.
1news.az-ın APA-ya istinadla verdiyi xəbərə görə, bu haqda Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev bildirib.
K.Əliyevin sözlərinə görə, martın 19-dan 25-dək ölkənin avtomobil yollarında 51 yol-nəqliyyat hadisəsi qeydə alınıb. Nəticədə 15 nəfər ölüb, 80 nəfər xəsarət alıb.
Qeydə alınmış yol qəzalarından 11-i piyadaların vurulması ilə bağlı olub ki, nəticədə 7 nəfər ölüb, 7 nəfər isə xəsarət alıb.
Bayram günlərində 62 min sürücünün yol hərəkəti qaydalarını pozması müəyyən edilib. Həmin qayda pozuntularından 40 minə yaxını sürət həddinin aşması ilə bağlıdır.
K.Əliyev rayonlara gedən və rayonlardan qayıdan sürücüləri diqqətli olmağa, sürət həddini aşmamağa çağırıb.
1news.az
