Belarus Bakı metropolitenində saxlanılan vətəndaşı ilə bağlı açıqlama verdi
Saxlanılan şəxs vətənində dəfələrlə məsuliyyətə cəlb olunub.
Martın 25-i Bakı metropolitenində saxlanılan belaruslu Sergey İlyevskiyə qarşı hələlik ittiham irəli sürülməyib. ANS PRES-in məlumatına görə, bunu Belarus Xarici İşlər nazirliyinin rəsmi nümayəndəsi Dmitri Mironçik bildirib. O qeyd edib ki, hazırda Belarusun Azərbaycandakı səfirliyi bu işlə ciddi məşqul olur. O həmçinin Azərbaycan tərəfinin özünü maksimal dərəcədə təmkinli apardığını xüsusi vurğulayıb: "Belarusun Azərbaycandakı səfirliyinə insidentlə bağlı dərhal məlumat verilib. Saxlanılan şəxs tərcüməçi və hüquqşunas xidmətləri ilə təmin olunub. Azərbaycan tərəfinin səfirliyə bu haqda operativ şəkildə məlumat verməsi bizə bir sıra lazımi tədbirləri görməyə imkan verib."
Məlub olub ki, Bakı metropolitenində saxlanılan Belarus vətəndaşı yaşayış binalarının divarlarına və dəmiryolu vaqonlarının üzərinə qraffiti çəkdiyi üçün vətənində dəfələrlə məsuliyyətə cəlb olunub.
Аnspress.com
