Goranboyda evdə partlayış olub, 4 nəfər yanıq xəsarəti alıb

Goranboy rayonunda evlərin birində güclü partlayış olub.

1news.az-ın Daxili İşlər Nazirliyinə istinadən verdiyi xəbərə görə, hadisə dünən səhər saat 08:00 radələrində adıçəkilən rayonun Aşağı Ağcakənd qəsəbəsində qeydə alınıb.

Belə ki, Bakı şəhər sakini Nadir Mehralıyevin Aşağı Ağcakənd qəsəbəsindəki kirayədə yaşadığı evdə təbii qazın sızmasından ani partlayış baş verib.

Nəticədə evin dam örtüyündə və divarlarında çatlar əmələ gəlib, pəncərə və qapı şüşələri sınıb, yanıq xəsarəti almış N.Mehralıyev,  arvadı  Nailə, qızları Gülcəmal və Solmaz xəstəxanaya yerləşdiriliblər.

1news.az